Aktorja Millie Bobby Brown e pranon se nuk shikon filma: Nuk mund të rri shumë gjatë para ekranit

Aktorja e re, Millie Bobby Brown, së fundmi ka treguar se nuk i pëlqen të shikojë filma dhe se nuk ka parë asnjë nga filmat e saj.

Ylli i “Stranger Things” së fundmi ka promovuar filmin e ri “Damsel”, i cili u publikua së fundmi në Netflix dhe tashmë është futur në 10 filmat më të mirë të Netflix në Mbretërinë e Bashkuar.
Pavarësisht reagimit pozitiv nga publiku, duket se aktorja nuk do ta shikojë filmin.

“Unë nuk shikoj filma. Njerëzit vijnë tek unë dhe më thonë, ‘Duhet ta shikosh patjetër këtë film, do të të ndryshojë jetën’. Unë them, ‘Sa kohë zgjat?’ Unë dhe truri im nuk na pëlqen as të ulemi për filmat tanë”, tha aktorja.

Ajo theksoi se i fejuari i saj, Jake Bongiovi, është krejtësisht ndryshe.

Lexo po ashtu Të gjitha lajmet nga Millie Bobby Brown

“I fejuari im është ‘adhuruesi më i madh i filmave’. Ai vetëm ulet dhe shikon filma gjithë ditën dhe unë nuk mund ta bëj këtë. Kjo është e vetmja gjë që nuk mund të ulem dhe të bëj. Megjithatë, më pëlqen shumë Lara Croft në ‘Tomb’ Raider, më pëlqen ‘Mad Max'”, tha ajo.

Aktorja britanike pranon se shpeshherë e gjen veten duke bërë shumë detyra ndërsa shikon një film.

“Nëse nuk jam duke bërë diçka, thjesht nuk mund të ulem dhe të ngul sytë në ekran për kaq gjatë. Kjo nuk do të thotë se filmi nuk është epik, kinematografik dhe brilant ose se nuk ka shfaqje të jashtëzakonshme”, shpjegoi ajo.

Filmi i fundit “Damsel” paraqet Millie Bobby Brown si një princeshë që supozohej të martohej me një princ nga një mbretëri tjetër.

Megjithatë, rezulton të jetë një kurth dhe ajo tani duhet t’i mbijetojë një sulmi dragoi. /Telegrafi/