Aktori i ri shqiptar Ernis Ibra do të luajë në të njëjtin serial me Burak Ozçivit

Ishte raportuar muaj më parë se djaloshi nga Kosova, Ernis Ibra, i cili jeton dhe vepron në Turqi, i njohur edhe në botën e biznesit,  ka fituar një rol të madh kinematografik në Turqi.

Ai përkatësisht do të jetë pjesë e një seriali të ri në Stamboll, i cili është prodhim  tri kompanive më të mëdha filmike të kinematografisë turke.

https://www.instagram.com/p/B6oDzmnl0Zu/

Por nuk mbaron këtu, pasi Telegrafi mëson ekskluzivisht se në këtë serial Ibra do të luajë krah ermave të njohur të aktrimit në Turqi, e një ndër ta do të jetë edhe vet aktori Burak Özçivit.

Burak Özçivit është i njohur për publikun kosovar më shumë si “Kemali”, gjersa në Turqi njihet si një prej aktorëve më të njohur, i cili ndiqet nga mbi 14 milionë njerëz vetëm në rrjetin social Instagram.

https://www.instagram.com/p/B5VH__Rlzay/

Biznesmeni nga Kosova, tashmë aktor në këtë serial nuk ka dhënë ende detaje për shkak të kontratës, por që gjithsesi është shprehur i entuziazmuar për rolin e tij të ri në këtë film.

Sukseset e shqiptarëve në fushën e artit jashtë vendit kanë qenë gjithnjë të dëshmuara, e sukseset duket se nuk po ndalen tashmë edhe në Lindjen e Mesme. /Telegrafi/

https://www.instagram.com/p/ByGXbZ_F0fz/