Aksidenti ka ndodhur afër Postës së Re në Ulpianë. Një person ka vdekur e më shumë se dy të tjerë janë lënduar.
Sipas informatave të Telegrafit nga vendi i ngjarjes, thuhet se një xhip ka lëvizur me shpejtësi të madhe nga Hotel Grandi në Bulevardin “Dëshmorët e Kombit”. Dyshohet se personat në xhip ishin të dehur. Në afërsi të objektit të Postës së Re, shoferi i kësaj veture nuk ia del të frenojë dhe godet veturën tip Golf 4.
Nga përplasja vdes një 25-vjeçar i cili drejtonte Golfin. Në veturë me të ishte e dashura e tij, që është jashtë rrezikut për jetën.
Policia ka dalë në vendin e ngjarjes. /Telegrafi/
