Ajo zgjodhi këtë stil për fitoren e babait të saj – por pse pikërisht ngjyra blu?

Përveç Melania Trumpit – ikonës së stilit, vëmendjen e mbështetësve të Donald Trumpit e tërhoqi edhe vajza e tij, Ivanka

Ivanka, vajza e Donald Trumpit, feston fitoren e babait të saj në zgjedhjet presidenciale në SHBA.

Donald Trump u zgjodh presidenti i ri i SHBA-së, i cili pas fitores së tij bindëse, mbajti një fjalim që “ngjall shpresë” te qytetarët amerikanë. Donaldi qëndroi në “fronin” fitimtar me familjarët e tij, por edhe me anëtarët e shtabit të tij.

Përveç Melania Trumpit – ikonës së stilit, vëmendjen e mbështetësve të presidentit të ri amerikan e tërhoqi edhe vajza e tij, Ivanka. Ajo përgatiti një spektakël të vërtetë mode për fjalimin fitues të babait të saj.

Ivanka është shfaqur me një kostum klasik prej kadifeje blu, ndërsa me kosum ka veshur një këmishë mëndafshi në ngjyrë blu indigo, transmeton Telegrafi.

— Ivanka Trump (@IvankaTrump) November 4, 2024

Ndryshe, ngjyra blu është pasqyrë e aristokracisë dhe këto veshje në këtë ngjyrë shpesh vishen nga përfaqësues të qeverisë apo anëtarë të familjeve mbretërore.

Mund të thuhet se edhe froni i Trumpit ishte një vend i përplasjeve të modës dhe Ivanka arriti të magjepste publikun me editimin e saj.

Ajo e kompletoi të gjithë stilin me buzëkuq të kuq të spikatur dhe një model flokësh me tallaze. Ndryshe, Ivanka së fundmi ka festuar ditëlindjen e saj të 43-të, të cilën e ka bërë të ditur në rrjetin social “X” dhe zhveshi shpirtin e saj me disa fjali. /Telegrafi/