“Ai është lojtar i Napolit, duhet të punojë shumë” – Conte mesazh Osimhenit

Victor Osimhen është një nga futbollistët më të përmendur në afatet e fundit kalimtare me sulmuesin e Napolit, që ka vlerë prej 100 milionë euro.

Ai është dëshira e shumë klubeve evropiane, kështu që vitet e fundit ai është lidhur me Bayern Munich, PSG-në, Chelsean dhe të tjerë.

Megjithatë, ai është ende në klubin napolitan, ku mbërriti në vitin 2020 nga Lille për 77 milionë euro. Në katër vjet, ai bëri 133 paraqitje, 76 gola dhe 18 asistime dhe fitoi kampionatin italian në 2023.

Kontrata e tij është e vlefshme edhe për dy vite, ndërsa trajneri i Napolit, Antonio Conte ka folur për statusin e tij.

“Unë fola me Victor dhe situata e tij nuk ka ndryshuar ende. Ai është një top lojtar. Ai është lojtar i Napolit, kështu që duhet të punojë shumë, edhe nëse kemi arritur një marrëveshje për largimin e tij të mundshëm. Nuk e dimë se si do të përfundojë historia”, deklaroi Conte.

Lexo po ashtu “Mund të premtoj një gjë”, fjalët e para të Contes si trajner i Napolit

Osimhen ka luajtur për Wolfsburg të Gjermanisë dhe Charleroi të Belgjikës. Ai ka 35 paraqitje dhe 21 gola për Kombëtaren e Nigerisë. /Telegrafi/