“Ai duket i humbur në fushë”, legjenda franceze flet për formën e dobët të Mbappes

Ikona franceze Michel Platini ka dhënë mendimin e tij mes shumë figurave të mëdha të futbollit për formën e dobët të Kylian Mbappes tek Real Madridi.

Mbappe u rikuperua nga një fillim i ngadaltë i tij në kryeqytetin spanjoll dhe forma e tij në kampionat është e mirë aty ku ka shtatë gola të shënuar.

Sidoqoftë, kapiteni i ‘Gjelave’ ka shënuar vetëm një gol në Ligën e Kampionëve këtë sezon teksa dyshimet po vazhdojnë për adaptimin e tij mes presionit të madh në Madrid.

Mbappe dështoi nga penalltia në humbjen me rezultat 2-0 në Ligën e Kampionëve ndaj Liverpoolit duke i dhënë një goditje të madhe besimit të tij para portës.

Lexo po ashtu Real Madridi po kërkon ndihmën e Zinedine Zidane për ta ‘zbllokuar’ Mbappen

Ish-legjenda madrilene Guti kishte thënë se Mbappe dukej se kishte mungesë besimi, ishe i turpshëm dhe i frikësuar kur përshkroi paraqitjen e tij në ‘Anfield’.

Platini e ndoqi një fjalim të njëjtë si Guti por që ai tha se Mbappe po duket i humbur në fushë me fanellën e bardhë të Real Madridit.

“E shoh atë të humbur në fushë. Sidoqoftë, kampionët e mëdhenj duhet të ngrihen nga hiri. Kjo është ajo që e bën Kylian një kampion të madh”.

“Unë kam besim dhe kjo është vetëm një pengesë e vogël për të dhe futbollin francez”, ka thënë Platini./Telegrafi/