Agjenti i Spinazzolas flet për situatën e mbrojtësit, tregon kur pritet të kthehet

Agjenti Davide Lippi ka zbuluar se mbrojtësi i Romës dhe Italisë, Leonardo Spinazzola do të ketë ‘një konsultë tjetër brenda një muaji’, por theksoi se ‘rikuperimi i tij po përparon mirë.

Italiani dëmtoi Tendinën e Akilin e tij gjatë minutës së 78-të të ndeshjes me eliminim direkt në Euro 2020 kundër Belgjikës.

Lojtari i Giallorossëve kishte luajtur për Azzurrët deri në atë moment dhe mori medaljen e fituesit me paterica në Wembley më vonë gjatë të njëjtit muaj.

Lexo po ashtu U largua me lot nga fusha, Spinazzola ka pësuar dëmtim të rëndë në ‘Tendinën e Akilit’

Që atëherë, Emerson Palmieri ka luajtur në krahun e krahut të majtë, pasi Italia vazhdon të luftojë për një vend në Kupën e Botës në Katar vitin e ardhshëm.

Agjenti Lippi tha se ‘entuziazmi i Spinazzolas është i jashtëzakonshëm’ kur ai foli për mbrojtësin e dëmtuar në një intervistë së fundmi.

“Ai është një luan. Ai është mirë dhe ka punuar si i çmendur gjatë tre apo katër muajt e fundit”, ka thënë fillimisht Lippi për Tuttomercatoweb.

Lexo po ashtu Pësoi lëndim të rëndë në Euro 2020, Spinazzola tregon datën e rikthimit

“Tani nuk mund të nxitosh, duhet ta menaxhosh situatën në mënyrën e duhur. Entuziazmi i tij është i jashtëzakonshëm, nëse do të ishte në dorën e tij, ai do të luante nesër”.

“Në realitet, duhet ende pak kohë, mund të jetë një muaj apo një muaj e gjysmë… Le të shohim, do të ketë një konsultë tjetër brenda një muaji, por rikuperimi po përparon mirë”, përfundoi agjenti i Spinazzolas. /Telegrafi/