Një grua u përplas në tokë nga një oficer i zbatimit të ligjit ndërsa protestonte kundër presidentit amerikan, Joe Biden përpara Samitit të 9-të të “Americas”.

Një video e lajmeve të Fox 11 tregon protestuesen duke bërtitur në një megafon në mes të rrugës ndërsa një autokolonë kalonte përpara se ajo të përballej përpara Qendrës së Konventave në Los Angeles ku po zhvillohej samiti.

Gruaja e paidentifikuar po bërtiste për të drejtat e grave, sipas CBS Los Angeles. Një agjent i Shërbimit Sekret u kapi atë dhe duke u munduar që ta largojë nga rruga, në disa raste edhe e rrahu.

Nuk dihet se me çfarë akuzash do të përballet ajo, por shërbimi sekret tha se një hetim është në vazhdim.

Kur gruaja u sulmua, protestuesit e tjerë vazhduan të demonstronin kundër Bidenit, i cili nuk ka ftuar liderët shtetëror të Kubës, Nikaraguas dhe Venezuelas.

Sekretarja e shtypit, Karine Jean Pierre e ka mbrojtur atë vendim, duke deklaruar “Ne nuk besojmë se diktatorët duhet të ftohen”. /Telegrafi/