Agjenti i njohur gjerman hedh ‘bombën’: Klubi që e blen Haalandin duhet të ketë buxhet vetëm për të deri në 300 milionë euro

Volker Struth, një agjent gjerman që përfaqëson Toni Kroosin dhe Timo Wernerin, pretendon se transferimi total i Erling Haaland me pagën pesëvjeçare do t’i kushtojë klubit të ardhshëm nga 250 deri në 300 milionë euro.

Haaland ka një kontratë të vlefshme me Borussia Dortmundin deri në verën e vitit 2024, por agjenti i Kroos dhe Werner pretendon se ai do të ndryshojë skuadër sezonin e ardhshëm dhe do të luajë për një klub të ri.

Ai thotë se transferimi, duke përfshirë pagën e një lojtari për pesë vjet dhe komisionin e menaxherit, do të kushtojë klubit të ri midis 250 dhe 300 milionë euro.

?| Volker Struth (Toni Kroos’ agent): “Haaland’s transfer will happen in 2022. He has a release clause. The complete package with salary for 5 years + commissions for the agent would be around €250-300m.” @BILD_Sport pic.twitter.com/4FKMhy0VmC

— Madrid Xtra. (@MadridXtra) November 3, 2021

“Transferimi i Haaland do të bëhet në vitin 2022. Ai ka një klauzolë lirimi, dhe kostoja e plotë me një pagë pesëvjeçare, kompensim dhe komision për agjentin do të kushtojë midis 250 dhe 300 milionë euro”, ka thënë Struth.

“Unë nuk mendoj se ai do të vijë në Bayern. Edhe nëse klubi i ka ato para, ata nuk do të përpiqen të sjellin Haalandin sepse ai transferim në Gjermani do të shkaktonte një problem, pasi do të ishte një kërcënim i madh nëse një futbollist do të kishte një pagë prej 50 milionë euro”.

Në fund, Struth zbuloi se Haaland nuk do të shkaktojë aq shumë probleme për zgjedhjen e një klub të ri, ndërsa do të ishte i gatshëm të ulte pagën edhe me 10 për qind.

Këtë sezon, Haaland luajti gjithsej 10 ndeshje dhe shënoi 13 gola. Ai shënoi 9 gola në Bundesligë në 6 paraqitje.

https://www.youtube.com/watch?v=9FScfIp8pvk&ab_channel=SVMM

Sa i përket statistikave të tij të përgjithshme, Haaland ka luajtur gjithsej 69 ndeshje për Borussia Dortmund, duke shënuar 70 gola dhe duke shtuar 19 asistime. /Telegrafi/