Kryetari I Federatës së Futbollit të Kosovës, Agim Ademi, u ka uruar fat dhe shume suksese, Valon Berishës, Hekuran Kryeziut dhe Arbër Zenelit, për sezonin e ri.
Tre lojtarët e Përfaqësueses së Kosovës kanë pësuar lëndime para pak muajsh, mirëpo ata janë afër rikthimit në fushën e gjelbër.
Ademi ka thënë se këta tre lojtarë janë shumë të rëndësishëm për ‘Dardanët’ dhe shpreson që të shkojë gjithçka mbarë për ta.
Valon Berisha
“Këtë vit rezultatet dhe paraqitja e ekipit tonë Kombëtar kanë bërë jehonë të madhe kudo. Seria e Dardanëve prej 14 ndeshjeve pa humbje e ka shndërruar Kosovën në storie suksesi. Fatkeqësisht, ky rrugëtim i suksesshëm pati edhe pasojat e veta, ngase tre futbollistët kyç të formacionit të parë pësuan lëndime. Megjithatë, më gëzon fakti se Valon Berisha, Hekuran Kryeziu e Arbër Zeneli edhe gjatë kësaj periudhe të vështirë treguan karakter dhe vullnet të fortë dhe tashmë po punojnë për t’u rikuperuar sa më shpejtë nga lëndimet”, ka thënë kreu i FFK-së.
Arbër Zeneli
“Të tre këta futbollistë janë shumë të rëndësishëm për ekipin tonë kombëtar dhe për klubet e tyre, por njëherësh edhe shumë të dashur për publikun. Pa dyshim, ata, po na mungojnë në fushën e gjelbër, por gjithmonë janë me ne dhe na përkrahin pa rezervë. Në emrin tim dhe të KE të FFK-së shpreh gëzimin që janë duke e kaluar këtë fazë me përkushtim dhe vullnet të madh dhe u dëshiroj rikthim sa më të shpejtë në fushën e gjelbër”.
“Ne jemi me ju djema. Forca Valon, Hekuran dhe Arbër! Ju jeni krenaria jonë, jeni motivi i Dardanëve dhe i gjithë rinisë së Kosovës!”, ka shtuar më tej Ademi.
I pari i Federatës tonë të futbollit u ka uruar fat edhe lojtarëve të tjerë të Kosovës te skuadrat e tyre dhe fillim të mbarë të sezonit të ri 2019/20.
Hekuran Kryeziu
