Afati kalimtar veror do të “pushtohet” nga Real Madridi: Lista me transferimet që i synojnë Los Blancos

Real Madridi vazhdon marshimin e tij të pandalshëm në botën e futbollit. Pavarësisht se është ende në fillimet e muajit shkurt, klubi bardhezi, sipas informacioneve të fundit, tashmë ka përvijuar objektivat e tij madhorë për merkaton e verës së ardhshme.

Në këtë afat kalimtar dallohen tre emra të njohur: Kylian Mbappe, Alphonso Davies dhe Lenny Yoro. Këta lojtarë do të transferohen për të forcuar një skuadër që gjatë këtij sezoni ka bërë të qartë fuqinë dhe thellësinë e saj.

Nënshkrimi i suksesshëm i verës së kaluar, Jude Bellingham, mbetet në kujtesë, për një shifër fillestare prej 103 milionë eurosh, plus 30 në bonuse. Anglezi ishte një objektiv i lakmuar për klubet e mëdha në Ligën Premier, por zgjodhi Real Madridin, një zgjedhje që skuadra shpreson ta përsërisë me objektivat e saj të radhës.

Lexo po ashtu Mbappe te Real Madridi: PSG bëhet gati për hakmarrje, synon yllin e madrilenëve

E njëjta strategji është aplikuar më parë me Tchouamenin, i blerë në 2022 për 80 milionë euro dhe me Camavinga në 2021 për 31 milionë. Të dyja nënshkrimet ishin vendimtare për të kapërcyer konkurrencën nga klubet angleze. Këto shtesa i shtohen një skuadre që tashmë ka talente si Courtois, Militao, Kroos, Modric, Vinicius dhe Rodrygo, ndër të tjera.

Objektivi i radhës i Real Madridit, sipas MARCA , është kulmi i projektit, i drejtuar nga i dëshiruari Mbappe, i cili është në radarin e klubit që nga viti 2017. Gjithashtu, synohet të përforcohet edhe pozicioni i mbrojtësit të majtë me blerjen e mundshme të Alphonso Davies nga Bayern Munich.

Më në fund, është menduar ardhja e Lenny Yoro, një qendërmbrojtës 18-vjeçar nga Lille. Edhe pse këto operacione nuk do të jenë të lehta, Real Madridi ka përshkruar tashmë planin ambicioz për të forcuar një ekip që po përmbush pritshmëritë në ligë dhe Ligën e Kampionëve, duke demonstruar dëshirën e tij të pangopur për fitore. /Telegrafi/