Aeroplani me 179 pasagjerë “rrëshqet nëpër baltë” pasi tentoi të ulej në pistën e akullt në Lituani – pamjet tregojnë momentin e frikshëm

Ky është momenti kur një aeroplan me 179 pasagjerë bëri një ulje të frikshme në një pistë me baltë, pasi preku pistën me akull në Lituani.

Sipas mediave të huaja, përcjell Telegrafi, pamjet tregojnë një Airbus A320 masiv duke bërë ulje përtej asfaltit pasi bëri një ulje të guximshme në aeroportin e Vilnius pas një udhëtimi dy orësh nga qyteti italian i Bergamos.

Aeroplani, në pronësi të kompanisë lituaneze Avion Express, u përpoq të “rezistonte” pasi një “shpërthim balte dhe uji” goditi aeroplanin.

Duke reaguar shpejt, piloti i aeroplanit ishte në gjendje ta largonte aeroplanin në mënyrë të sigurt nga pista dhe drejt një zone të sigurt ku të gjithë pasagjerët dhe gjashtë anëtarët e ekuipazhit mund të zbrisnin pa raportuar ndonjë lëndim.

An Avion Express A320-200 landing at Vilnius Airport briefly skidded off the runway, onto the grass and mud, before safely returning to the runway to continue its dirty taxi to the apron.

? Unkown/DM for credit#builtairbustough #AvionExpress #avion #a320 #airbus pic.twitter.com/JQPF9iCZLs

— A Fly Guy’s Crew Lounge (@AFlyGuyTravels) February 4, 2024

Aeroplani pësoi dëmtime në panelet e tij të poshtme, raportuan mediat italiane dhe incidenti e detyroi aeroportin të ndalonte të gjitha fluturimet hyrëse dhe dalëse për rreth dy orë e gjysmë të shtunën përpara se të rihapej për trafikun ajror.

Incidenti, i ndodhur rreth orës 14:20 të së shtunës, detyroi mbylljen e pistës deri në orën 17:40 dhe mbylli shkurtimisht aeroportin, raportoi gazeta e lajmeve të aviacionit FL360aero.

Fluturimet hyrëse u devijuan në aeroportet Kaunas dhe Palanga, të dyja në Lituani.

Ngjarja bëri shumë bujë në rrjetet sociale, ndërsa përdoruesit komentuan pamjet tronditëse.

Yves Constant tha: “Ulje e këndshme me rrëshqitje të kontrolluar. Nuk e di se si po reagonin pasagjerët në bord. Dhe aeroplani ka nevojë për një larje”. /Telegrafi/