Abrashi: Të ndalen vrasjet në Mitrovicë

Në marshin protestues “Stop vrasjeve, ne jemi Ermali”, të organizuar nga shoqëria civile në Mitrovicë u  kërkua reagim i institucioneve të vendit në parandalimin e vrasjeve.

Në emër të Këshillit organizativ të këtij marshi protestues, Gëzim Abrashi, tha se është shqetësues që pa u bërë një viti në Mitrovicë u vranë tre të rinj.

“Kurrë më shumë se sa sot nuk e ndjeu shpirti im t’i thotë vargjet e Kutelit se ‘jam shqiptar,  paj kosovar, zot e krenar, zot e bujar, mbi këtë dhe që e kam si fe, e kam vatan, e kam atdhe’. Këta më dhanë armë që ta vras vëllaun, sipas Kanunit të gjakut, por nuk pranova”, tha ai në protestën e sotme, raporton Telegrafi.

“ Ku jeni sot shqiptarë që pas lirisë rrokni armët mes njëri tjetrit… Dhe për 300 ditë shkuan tre të rinj. Njëri në  vendin e punës, tjetri para shkolle dhe tjetri vetë në shkollë. Ju bëjmë thirrje për qetësim të gjakrave dhe për t’iu treguar juve se si kurrë më parë se qyteti i Mitrovicës është me juve, për juve dhe do të jetë gjithmonë me juve”, tha Abrashi. /Telegrafi/