Abazoviq u kërkon falje nënave të Srebrenicës

Kryeministri i Malit të Zi, Dritan Abazoviq, i ka kërkuar falje nënave të Srebrenicës, për shkak të deklaratës së tij në tubimin komemorativ me rastin e 27 vjetorit të gjenocidit të kryer ndaj boshnjakëve nga forcat serbe.

“Më falni nëna të Srebrenicës për mendimin e shprehur në mënyrë të paqartë. Dihet se çdo veprim varet nga qëllimi. Qëllimi im është paqja. Gjenocidi është kryer mbi boshnjakët në Srebrenicë dhe uroj që kurrë më të mos i përsërit askujt”, shtoi Abazoviq, transmeton Telegrafi.

Kujtojmë se gjatë fjalimit të tij, Abazoviq tha se gjenocidi nuk është kryer ndaj boshnjakëve por ndaj njerëzve, dhe se atë nuk e ka bërë ushtria por politika.

Lexo po ashtu Abazoviq: Gjenocidi nuk është kryer ndaj boshnjakëve, por ndaj njerëzve - atë nuk e bëri ushtria por politika

E pa kaluar shumë kohë hasi në reagime të ashpra, ku u detyrua të deklarohet sërish duke theksuar se ka dashur të thotë se gjenocidin e ka bërë politika, pasi politika e krijon të keqen.

Krejt në fund i ka kërkuar falje nënave të Srebrenicës, që i reaguan dhe kërkuan nga kryeministri i Malit të Zi t’ju kërkoj falje të gjitha viktimave të gjenocidit në Srebrenicë.

“Fëmijët tanë janë vrarë vetëm pse ishin boshnjakë, janë vrarë në mënyrë të organizuar nga ushtria. Në Potoçari nuk ka vend për relativizim të krimit”, kanë shkruar në profilin e tyre nënat e Srebrenicës. /Telegrafi/

Oprostite @MSrebrenice na nejasno izrečenoj misli.
Poznato je da svako djelo zavisi od svog cilja. Moj cilj je mir.
Genocid počinjen nad Bošnjacima u Srebrenici da se nikad nikome ne ponovi.@SrebrenicaUK @SrebrenicaMC pic.twitter.com/VOcLvrcAmf

— Dr Dritan Abazovic (@DritanAbazovic) July 11, 2022