LAJMI I FUNDIT:

“Isha afër vdekjes, nuk mbaj mend asgjë” – ylli i Ligës Premier poston foton e parë pas përplasjes së tmerrshme me makinë

“Isha afër vdekjes, nuk mbaj mend asgjë” – ylli i Ligës Premier poston foton e parë pas përplasjes së tmerrshme me makinë

Ylli anglez i West Ham, Michail Antonio ka publikuar foton e parë që nga aksidenti automobilistik që pësoi në dhjetor 2024. 

34-vjeçari u dërgua në spital me një këmbë të thyer, pasi mezi u tërhoq nga rrënojat e Ferrarit të tij jashtëzakonisht të vlefshëm. 

Ai mbeti i bllokuar në makinë për më shumë se 45 minuta dhe pranoi se kishte frikë për jetën e tij, me përplasjen e makinës që ndodhi pasi ai goditi një pemë teksa kthehej në shtëpi nga stërvitja në Epping Forest. 


Antonio kujton se moti ishte me erë dhe shi dhe se ishte lëshuar një paralajmërim për stuhinë Darragh. 

“Kur policia më gjeti, isha midis dy ndenjëseve. Nuk isha në vendin e shoferit”. 

“Ata thanë se dukej sikur po përpiqesha të ngjitesha nga dritarja, por duke qenë se këmba më ishte thyer, nuk munda ta bëja për shkak të dhimbjes”, tregon Antonio. 

Sulmuesi u dërgua me urgjencë në spital dhe u lirua 24 ditë pas aksidentit. Kur u pyet nëse i kujtohej ndonjë gjë nga aksidenti, Antonio tha ‘asgjë’. 

“Është e çuditshme, sepse gjatë gjithë rrugës më thoshin se isha zgjuar dhe se po flisja me të gjithë – policinë, njerëzit dhe personin që më gjeti”. 

Fjalët e para të Michail Antonios pas aksidentit të frikshëm zbulohen nga dëshmitari që pa gjithçka
Lexo po ashtu Fjalët e para të Michail Antonios pas aksidentit të frikshëm zbulohen nga dëshmitari që pa gjithçka

“E kuptova se isha afër vdekjes. Pashë fotot, por personalisht isha dhjetë herë më keq. Makina ishte një rrëmujë e plotë, ishte shumë e vështirë për mua”, nënvizoi anglezi.  

Burime pranë lojtarit bënë të ditur se ai ishte me fat që i mbijetoi aksidentit duke pasur parasysh gjendjen e Ferrarit të tij dhe shtuan se ai nuk do të mund të luajë më këtë sezon. 

Fillimisht mendohej se rikuperimi do të zgjaste deri në 12 muaj, por raportohet se ai do t’i rikthehet stërvitjeve individuale muajin e ardhshëm. 

Kontrata e tij me West Ham skadon në verën e vitit 2025 dhe ende nuk është marrë një vendim për të ardhmen e tij. /Telegrafi/  

Në trend Sport

Më shumë
Manchester City përgatit sensacion për zëvendësimin e Guardiolës

Manchester City përgatit sensacion për zëvendësimin e Guardiolës

Premier League
Chelsea është gati të shpenzojë 180 milionë euro për dy yjet e Real Madridit

Chelsea është gati të shpenzojë 180 milionë euro për dy yjet e Real Madridit

Premier League
Barcelona dhe problemet e sërishme me regjistrimin: Ter Stegen bën bujë në fund të sezonit

Barcelona dhe problemet e sërishme me regjistrimin: Ter Stegen bën bujë në fund të sezonit

La Liga
Gjiganti evropian po ndjek nga afër situatën e Haalandit mes raporteve për pakënaqësi te Man City

Gjiganti evropian po ndjek nga afër situatën e Haalandit mes raporteve për pakënaqësi te Man City

Ndërkombëtare
Departamentit të skautizimit të Real Madridit i jepet një “mision i pamundur” që ka të bëjë me Luka Modricin

Departamentit të skautizimit të Real Madridit i jepet një “mision i pamundur” që ka të bëjë me Luka Modricin

La Liga
Lewandowski bëhet lojtari i parë i Barcelonës që nga Messi që arrin një rekord të jashtëzakonshëm golash

Lewandowski bëhet lojtari i parë i Barcelonës që nga Messi që arrin një rekord të jashtëzakonshëm golash

La Liga
Kalo në kategori