Çmenduri në “Wanda Metropolitano” – Barcelona kthehet nga humbja brenda 20 minutash , duke marr fitore me aromë titulli

Barcelona ka shkruar një nga kthimet më spektakolare të këtij sezoni, duke mposhtur Atletico Madridin me 4-2 si mysafir në “Wanda Metropolitano”. Ndeshja, e cila u zhvillua në kuadër të javës së 28-të të La Ligas, u mbush me emocione dhe dramë deri në fund.

Atletico Madridi filloi me forcë, duke shënuar golin e parë në fund të pjesës së parë përmes Julian Alvarez për 1-0.

Në minutën e 70-të, Alexander Sorloth shtoi golin e dytë për Atleticon, duke dhënë përshtypjen se fitorea ishte e sigurt për vendasit.

Megjithatë, Barcelona tregoi karakter dhe u kthye në lojë. Vetëm dy minuta pas golit të Sorloth-it, Robert Lewandowski reduktoi diferencën në 2-1. Në minutën e 78-të, Ferran Torres barazoi në 2-2, duke ndezur shpresat e Barçës për një kthim të pamundur.

Në kohën shtesë, Lamine Yamal shënoi golin e tretë për Barcelona, duke i dhënë ekipit të tij përparësinë për 3-2. Në fund, Ferran Torres vulosi fitoren me golin e tij të dytë personal, duke e mbyllur ndeshjen 4-2.

Kjo fitore e madhe i jep Barcelona një avantazh të rëndësishëm në garën për titullin e La Ligas, duke treguar përsëri pse është një nga ekipet më të forta në Evropë.

Nga ana tjetër, Atletico Madridi mbetet me një humbje të hidhur, pasi kishte kontrolluar ndeshjen për një pjesë të madhe të kohës.

🚨🚨🚨🚨
FULL TIME!
FULL TIME!
FULL TIME!
FULL TIME!
WHAT A COMEBACK! pic.twitter.com/qlKG5aIUMk

— FC Barcelona (@FCBarcelona) March 16, 2025

Barcelona është lider me 60 pikë, aq sa Real madridi, por ka një ndeshje më pak të zhvilluar. Atletico Madridi mbetet në vendin e tretë me 56 pikë. /Telegrafi/