Cristiano Ronaldo zbulon pseudonimin e ashpër që i vuri fqinji i tij pasi e pa duke qarë

Cristiano Ronaldo ka zbuluar se fqinjët e tij dikur i dhanë një pseudonim brutal pasi e panë duke qarë pasi humbi një ndeshje futbolli.

Me 921 gola, pesë trofe të Ligës së Kampionëve dhe pesë çmime Topi i Artë, portugezi është padyshim një nga futbollistët më të mëdhenj të të gjitha kohërave.

Për të arritur një sukses të tillë, Ronaldos i është dashur t’i kushtojë gjithë jetën e tij sportit, dhe me këtë ai është investuar jashtëzakonisht emocionalisht në rezultatet e çdo ndeshje që luan, duke e bërë ndonjëherë të qajë pas një humbjeje të madhe.

Dhe në një intervistë, 39-vjeçari ka treguar pseudonimin e ashpër që i kanë vënë fqinjët pasi e kanë parë duke qarë për herë të parë.

Gjatë turneut të verës Euro 2024, Ronaldo u pa duke qarë pasi pa goditjen e tij të penalltisë të pritur nga Jan Oblak në kohën shtesë të ndeshjes me eliminim direkt midis Portugalisë dhe Sllovenisë, gjë që çoi në reagime në internet.

Lexo po ashtu Ronaldo ka treguar se ku është ndjerë më bukur gjatë karrierës së tij dhe ka paralajmëruar një rikthim të mundshëm

Por nuk është hera e vetme që kapiteni i Portugalisë ka qarë gjatë një ndeshjeje, pasi në një bisedë me gazetarin spanjoll Edu Aguirre ka treguar se gjithmonë ka luftuar për të mbajtur emocionet kur luan futboll.

“Kam qenë gjithmonë shumë i acaruar, që i vogël. E urreja humbjen dhe qaja. Edhe fqinjët më thërrisnin… “Llora” (qaraman). Njëri më thoshte “si je Llora? (si je qaraman?)”, ka zbuluar ylli portugez.

Ndonëse mund të duket e pafajshme në fillim, pseudonimi i Ronaldos në fakt do të thotë ‘qaraman’ kur përkthehet nga spanjishtja, duke treguar se fqinjët e legjendës së Man Utd nuk u përmbajtën në vlerësimet e tyre.

Lexo po ashtu Cristiano Ronaldo: Djali im më thotë se një lojtar është më i mirë se unë

Duke shpjeguar emocionet e tij, Ronaldo shtoi: “Kur humba qava me inat. Ishte mënyra ime e të qenit. Por pak nga pak u qetësova dhe u përmirësova”.

“Po, kishte një ndjenjë të keqe të humbjes, të qenit në fushë dhe të bëja atë që bëj. Unë nuk jam perfekt”.

“E teproj herë pas here, por kjo është mënyra ime e të qenurit dhe nuk do të ndryshoj. Në fund të fundit motivimi im mbetet i njëjtë. Unë kam ende ato gjurmë të temperamentit të keq nga e kaluara”.

“Shpresoj të vazhdoj kështu, por në një mënyrë më të ekuilibruar. Fëmijët e mi më qortojnë për këtë… ‘Babi është i tillë dhe kaq’, u them atyre”, ka shtuar më tej Ronaldo. /Telegrafi/