Liderët e rajonit takohen sot në Berlin, i pranishëm edhe kryeministri Rama

Kancelari gjerman Olaf Scholz mbledh sot në Berlin liderët e Ballkanit Perëndimor në 10-vjetorin e Procesit të Berlinit.

Të pranishëm jane edhe kryeministri Edi Rama, kryeministri i Kosovës Albin Kurti dhe liderët e Bosnje Hercegovinës, Mali i Zi, Maqedonia e Veriut dhe Serbia.

Iniciativa e nisur në vitin 2014 që mori jetë nga ish-kancelarja gjermane, Angela Merkel shënon 10 vjetorin e saj. Në samit do bashkohen edhe zyrtarë dhe përfaqësues të vendeve të BE-së, ndërsa në fokus të samitit do jetë thellimin i mëtejshëm i bashkëpunimit ekonomik rajonal dhe axhendën e gjelbër për Ballkanin Perëndimor.

Në një intervistë për agjencinë Reuters, para samitit, kryeministri Edi Rama shprehet optimist se nga samiti, do të sqarohen polemikat e ngritura lidhur me Marrëveshjen e zgjeruar e Tregtisë së Lirë të Evropës Qendrore.

“Nesër do të jetë e rëndësishme të… rregullojmë mekanizmin e CEFTA-s, për të cilin ka pasur disa qëndrime kontraverse muajt e fundit por që tani janë kaluar. Ky është përfitimi pozitiv nga Procesi i Berlinit, që na mban të gjithëve në shina”, tha Rama.

Rezultatet e samitit do të prezantohen në një konferencë të përbashkët për shtyp nga kancelari gjerman Olaf Scholz dhe presidentja e Komisionit Evropian Ursula von der Leyen, të cilët gjithashtu do të marrin pjesë në samit në emër të BE-së.

Dita nis me pritjen nga kancelari Olaf Sholz në orët e para të mëngjesit për delegacionet, pasi do të jenë të pranishëm edhe liderët e Ballkanit Perëndimor, i pranishëm edhe kryeministri Edi Rama. Hapja do të bëhet nga kancelari gjerman dhe më tej vijohet në orën 10:00 me hapjen e temës së parë, “Bashkëpunimi rajonal dhe tregut të përbashkët rajonal”.

Në pjesën e dytë diskutohet tema e “Gjelbër, Ligjshmëria dhe Energjia”. Do vijohet me ceremoninë e nënshkrimit, për të kaluar në orën 13:00 në “Diskutimin me përfaqësues të Forumit Rinor dhe Shoqërisë Civile”.

Në orën 14:00, do të mbahet edhe tematika e fundit “E ardhmja e Procesit të Berlinit” dhe në fund konferenca e shtypit.

Samiti i fundit i Procesit të Berlinit u mbajt më 16 tetor 2023 në Tiranë, për herë të parë jashtë kufijve të BE.

Agjenda e 10-vjetorit të Procesit të Berlinit:

-14 Tetor 2024, ora 09.30, Berlin, Kancelaria Federale

-09.30 – 10.00 Mbërritja e delegacioneve, përshëndetje nga Olaf Scholz, Kancelar i Federatës Federale Republika e Gjermanisë

-10.00 – 10.15 Hapja dhe ndërhyrja zyrtare nga kancelari Scholz

-10.15 –11.15 Sesioni 1: Bashkëpunimi rajonal dhe tregu i përbashkët rajonal

-11.15 – 11.30 Foto në grup dhe pushim kafeje

-11.30 – 12.20 Sesioni 2: Agjenda e Gjelbër, Lidhshmëria, Energjia

-12.20 – 12.35 Ceremonia e nënshkrimit

Ceremonia e nënshkrimit

-12.35 – 13.00 Diskutim me përfaqësues të Forumit Rinor dhe të Shoqërisë Civile

Forumi

-13.00 – 14.00 Dreka (vetëm krerët e qeverive)

Tema: E ardhmja e Procesit të Berlinit

-14.00 – 14.30 Konferencë për shtyp. /Telegrafi/