Policia e Kosovës është duke u zhvilluar një aksion policor në veri të vendit tek postat e palicencuara, përkatësisht në objektet ku ka operuar e ashtuquajtura “Postë e Serbisë”.
Policia e Kosovës, sipas detyrës zyrtare dhe autorizimeve ligjore e kushtetuese, ka vazhduar angazhimet e saj në ofrimin e sigurisë, ruajtjen e rendit dhe sigurisë publike, si dhe ndërmarrjen e masave policore konform situatës dhe zhvillimeve në nivel vendi, përfshirë veriun e Kosovës.
Sipas një njoftimi përmes një postimi në rrjetin social në Facebook sot gjatë ditës është duke u realizuar një operacion policor në veri të Kosovës, i cili bazohet në informacionet zyrtare të institucioneve të Kosovës, siç është ARKEP, mbi dyshimin se janë duke operuar posta ilegale, të paregjistruara dhe pa licencë të institucioneve përkatëse të Republikës së Kosovës.
“Bazuar në informacionet zyrtare kanë filluar hetimet policore në bashkëpunim dhe koordinim me organet e drejtësisë, ku deri më tani janë identifikuar nëntë lokacione ku funksiononin posta të tilla ilegale.
Të gjitha veprimet policore janë duke u realizuar në bashkëpunim dhe koordinim me institucionet kompetente dhe organet e drejtësisë, ku varësisht nga të gjeturat do të ndërmerren masat e mëtejme ligjore”, thuhet në njoftimin e tyre.
Kryetari i ARKEP-it, Nazim Rahimi, ka konfirmuar për Radion Evropa e Lirë se institucioni që udhëheq ai, i ka njoftuar “institucionet relevante të Kosovës se Posta e Serbisë është duke operuar në mënyrë ilegale në territorin e Kosovës”.
Megjithatë, ai nuk ka treguar numrin e zyrave të Postës së Serbisë që operojnë në Kosovë.
“Ne mbulojmë vetëm pjesën e domenit të shërbimeve postare, ofrimin e shërbimeve të postës, të letrave dhe pakove”, ka thënë ai.
Autoriteti Rregullativ i Komunikimeve Elektronike dhe Postare (ARKEP) është organ rregullator në fushën e komunikimeve elektronike dhe të shërbimit postar, i cili mbikëqyr kuadrin rregullator të përcaktuar nga ligji për komunikimet elektronike, nga ligji për shërbimin postar dhe nga politikat e zhvillimit.
Posta e Serbisë në Kosovë kryen pagesa të ndryshme për serbët në Kosovë, prej fondeve që ndan Qeveria serbe për ta, përfshirë: pagat, shtesat për fëmijë dhe pensionet.
Gjithashtu, përmes Postës së Serbisë, në Kosovë kryhen edhe pagesa të ndryshme për shërbimet që marrin qytetarët nga institucionet paralele, që funksionojnë sipas sistemit të Serbisë, për shembull, pagesa për nxjerrjen e dokumenteve serbe, pagesa për provime, dërgesa të parave, e tjera./Telegrafi/
Promo
Reklamo këtuLufta Prigozhin - Putin
Më shumëNga Rubrika
Mbyllja e degëve të Postës së Serbisë në veri, BE-ja e quan hap të njëanshëm dhe të pakoordinuar
Ish e burgosura politike tregon emrat e nëntë UDB-ashëve shqiptarë që e keqtrajtuan në burg
Ish e burgosura Maqastena-Sherifi: Bajram Munishi e Blerim Olloni më kanë rrahur shumë
Kurti: Nuk do të kursejmë asgjë për të ndërtuar një kompleks siç e meriton figura e Adem Jasharit dhe familjes Jashari
Dosja e Gjykatës ndaj pesë serbëve të dyshuar për krime lufte, njëri nga ta pjesëtar i Policisë së Kosovës
Dyshohet për prodhim dhe shpërndarje të parave false, arrestohet në Kosovë shtetasi i Maqedonisë së Veriut
Prokuroria e Mitrovicës apel për qytetarët: Kujdes nga mashtrimet me të dhënat e llogarive bankare në platformat e komunikimit
Agim Bahtiri kërkon tubim masiv në Mitrovicë PRO hapjes së Urës së Ibrit
Intervista e fundit para se të largohet nga Kosova e shefit të BE-së, Szunyog flet për të gjitha, kujton edhe ditët më të vështira e më të mira në vendin tonë
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Krijo hapësirën tënde të biznesit – zyre me qira te 4 Llulat – 300€/muaj ID-252
Ofertë e veçantë – vila në Brezovicë ofrohet me zbritje ID-246
Një jetë e re fillon këtu – banesa e gatshme 2+1 në rrugën ‘Gazmend Zajmi’ ID-251
Më të lexuarat
Përfundoi dita e 10-të në Lojërat Olimpike: Ndryshon dukshëm renditja - ka një lider të ri
Nikçi: Kërkohet ndihmë për arrestimin e Noizyt dhe të dyshuarve tjerë për rastin në Pejë
Presidenti kroat: Kosova i është lënë vetvetes
Udhëheqësi i Hamasit ka vdekur, Irani zotohet të hakmerret: A mund të ndalojë ndonjë gjë luftën që rrezikon të përshkallëzohet në Lindjen e Mesme?
Fituesi i medaljes së artë u gjet duke fjetur në park pasi u ankua për kushtet 'të këqija' të fshatit Olimpik
Netanyahu paralajmëron Iranin që të mos sulmojë Izraelin: Do ta paguani shtrenjtë