Rimëkëmbja e plotë nga “ndërprerja më e madhe teknologjike në histori” mund të zgjasë me javë

Të premten, shumë sektorë të teknologjisë informative (IT) në mbarë botën raportuan vështirësi në punë në aeroporte, banka, media dhe kompani të tjera. Një ditë më vonë, ekspertët thonë se do të duhen javë që sektori të rimëkëmbet plotësisht.

Fluturimet dhe takimet në spital u anuluan, sistemet e pagesave u bllokuan dhe kanalet televizive u mbyllën pasi një përmirësim i gabuar i softuerit goditi sistemin operativ Windows të Microsoft.

Ai erdhi nga kompania amerikane e sigurisë kibernetike CrowdStrike dhe kompjuterët e punëtorëve dështuan të niseshin. Ekspertët thonë se çdo kompjuter i prekur mund të ketë nevojë të riparohet manualisht, por që nga e premtja mbrëma, disa shërbime kanë filluar të rikuperohen.

Lexo po ashtu Kolapsi botëror në internet - çfarë pune kryen në rrafshin global firma CrowdStrike?

Ndërsa rikuperimi vazhdon, ekspertët thonë se ndërprerja ka sjellë në fokus shqetësimet se shumë organizata nuk janë të përgatitura mirë për të zbatuar planet e emergjencës kur një pikë e vetme dështimi, siç është një sistem IT ose një pjesë e softuerit brenda tij dështon. Por, këto ndërprerje do të përsëriten, thonë ekspertët, derisa të ndërtohen më shumë raste të paparashikuara në rrjete dhe organizatat të zbatojnë kopje rezervë më të mirë, shkruan theguardian.

The financial impact of this is already hard to fathom https://t.co/2Dl5KpROnK

— Troy Hunt (@troyhunt) July 19, 2024

CrowdStrike me bazë në Teksas konfirmoi se ndërprerja ishte për shkak të një përditësimi të softuerit të një prej produkteve të saj dhe nuk ishte shkaktuar nga një sulm kibernetik.

Themeluesi dhe CEO i saj, George Kurtz, tha se i vinte “thellësisht keq për ndikimin që shkaktuam te klientët”, duke shtuar se kishte një “ndërveprim negativ” midis përditësimit dhe sistemit operativ të Microsoft.

Lexo po ashtu Si një përditësim i vetëm shkaktoi ndërprerje globale të internetit?

Troy Hunt, konsulent kryesor i sigurisë kibernetike, tha se shkalla e dështimit të IT ishte e pashembullt.

“Unë nuk mendoj se është shumë herët për ta quajtur atë: kjo do të jetë ndërprerja më e madhe e IT në histori”, shkroi ai në X.

Ndër kompanitë e prekura të premten ishte Ryanair, linja ajrore më e madhe në Evropë, e cila deklaroi se “ndërprerja e mundshme e rrjetit për shkak të një dështimit të një sistemi global të palëve të treta… Ne këshillojmë pasagjerët të mbërrijnë në aeroport tre orë përpara fluturimit të tyre për të shmangur çdo ndërhyrje”. /Telegrafi/