Partitë opozitare po konsiderojnë se pushteti nuk ka adresuar rekomandimet e Komisionit të Venecias për Projektligjin për Këshillin Prokurorial të Kosovës. Në Komisionin për Legjislacion u tha se kjo nismë legjislative do të përfundojë sërish në Gjykatë Kushtetuese dhe se partia në pushtet nuk e ka seriozisht reformën në drejtësi.
Gjatë shqyrtimit të raporteve të komisioneve kryesore për këtë projektligj, deputetët e opozitës theksuan se po cenohet pavarësia e Këshillit Prokurorial të Kosovës.
Komisioni për Legjislacion ka miratuar raportet e komisioneve kryesore për Projektligjin për Këshillin Prokurorial të Kosovës, shkruan KP.
Deputeti i Lidhjes Demokratike të Kosovës, Driton Selmanaj ka paralajmëruar që këtë projektligj do ta dërgojnë në Gjykatën Kushtetuese, meqë theksoi se nuk janë marrë parasysh rekomandimet e Komisionit të Venecias.
“Është e papranueshme që letrat që na vijnë prej faktorëve të rëndësishëm ndërkombëtarë në Kosovë, e që më pas kjo reflekton në Raportin e Progresit që ata e qesin për Kosovën që ti të mos e ndash me neve, por ta mbash për vete.
Mendoj që është gabim, është shumë gabim dhe është detyrë e jotja që ti me nda me neve, ndërkohë që unë po them që mirë të ndaleni këtë proces edhe tash, përkundër që e keni miratuar ju si komision, ta ndalni dhe ta ktheni edhe një herë tek qeveria në mënyrë që propozimet tjera të vijnë në përputhje edhe me rekomandimet e Komisionit të Venecias por edhe me idenë që reforma në sistemin e drejtësitë të jetë vërtetë reformë dhe të mos deformohet sistemi.
Unë normalisht që do ta votojë kundër dhe po ju them që kjo çështje fatkeqësisht do të përfundojë përsëri në Gjykatë Kushtetuese sepse jemi të vendosur që të mbrojmë kushtetutshmërinë në Kuvend”, deklaroi Selmani.
Selmani shtoi se mos marrja parasysh e rekomandimeve ka pasoja politike për vendin.
Për këtë ka reaguar kryetari i Komisionit për Legjislacion, Adnan Rrustemi, i cili tha se në grupin punues janë trajtuar rekomandimet e Komisionit të Venecias.
“Letra e cila është dërguar nga Zyra e BE-së ka qenë në fazën të shqyrtimit të projektligjit në grupin punues. Dhe e kam trajtuar si letër drejtuar kryesuesit të grupit punues dhe ka pasur qasje secili që është përfshirë në këtë proces.
Nuk ka qenë një letër në fazën e shqyrtimit në komision pasi që e ka përmbyllur grupi punues. Ka qenë në fazën e trajtimit në grup punues. Madje edhe komentet e Zyrës së BE-së kanë qenë për dispozitat specifike për të cilat jemi takuar edhe jemi ndalur me i adresuar. Unë ndaj bindjen që janë adresuar mbase në formë të ndryshme, në situata të caktuara…Unë jam i bindur që projektligji adreson rekomandimet e Komisionit të Venecias, merr për bazë aktgjykimin e Gjykatës Kushtetuese. Nuk ka asnjë arsye, asnjë element antikushtetues”, u shpreh ai.
Me këtë nismë legjislative, Rrustemi theksoi se qeveria po bën përpjekje që të zhbëjë karakterin koorporativist që e ka Këshilli Prokurorial i Kosovës. Megjithatë, deputeti Selmanaj tha se pushteti nuk po synon reformë të mirëfilltë të drejtësisë.
Edhe deputeti i Partisë Demokratike të Kosovës, Hajdar Beqa tha se ky projektligj nuk e kalon filtrin e Gjykatës Kushtetuese, meqë konsideroi se ka dhjetëra shkelje.
“Kjo mazhorancë e ka parë se i ka pasur numrat për të bërë reformë në drejtësi sikur ta kishte vullnetin, por prej fillimit ka luajtur ping-pong. Edhe u lidh në ata numrat se qysh me zgjedh kryeprokurororin. Me pas njëmend që ta luftojë korrupsionin, nuk e kish lënë katër vjet Kosovën pa kryeprokuror, katër vjet ne nuk kemi kryeprokuror e flasim për luftim të korrupsion në Kosovë. Kryeprokurorin nuk e zgjedhin pse nuk po i pëlqen x apo y, krejt ky ligj po bëhet se qysh me u zgjedh kryeprokurori jo qysh të bëhet reforma. Këtu është tema për mendimin tim”, tha Beqa.
E deputeti i Aleancës për Ardhmërinë e Kosovës, Besnik Tahiri tha se me përbërjen aktuale të Këshillit Prokurorial të Kosovës po cenohet pavarësia institucionale.
“Me një lexim analitik dhe kritik të vendimit të Gjykatës Kushtetuese, brenga kryesore ka qenë trupa e cila e udhëheq këtë institucion që është Këshilli Prokurorial i Kosovës. Edhe ku flasim tek kjo trup, unë pajtohem me Adnanin që thotë se numrat kurrë nuk kanë qenë qëllim, sepse është e vërtetë, qëllimi ka qenë vendimmarrja, ndikim politik në vendimmarrje përmes anëtarëve jo prokurorëve. Ju kam thënë edhe atëherë ‘moni bre mos e rritni në 19 se u bonëm horë’. 19 njerëz as në Kampionatin Evropian nuk janë në fushë, 11 janë në fushë tjerët në rezervë. 19 prokurorë aty çfarë bëjnë….Problemi kryesor për mua është përbërja, unë mendoj me këtë përbërje të KPK-së është ka cenohet pavarësia institucionale, pavarësia që i delegohet me kompetencë dhe mandat dhe mbi të gjitha po i hapen dyert këtij institucioni me pas ndikim të drejtpërdrejt politik”, u shpreh Tahiri.
Anëtarët e Komisionit për Legjislacion kanë miratuar edhe raportin për projektligjin për të drejtat pronësore të shtetasve të huaj në Republikën e Kosovës. /KP/
Promo
Reklamo këtuLufta Prigozhin - Putin
Më shumë![KFOR: Vazhdojmë të kemi prani në Urën e Ibrit](https://telegrafi.com/wp-content/uploads/2024/06/449070769_809995471232588_6325971085498052572_n-380x233.jpg)
KFOR: Vazhdojmë të kemi prani në Urën e Ibrit
![Kurti: e-Kosova dëshmi e vizionit të qeverisë për t’i kthyer situatat e vështira në ndryshime pozitive](https://telegrafi.com/wp-content/uploads/2024/05/Albin-Kurti-3-380x233.jpg)
Kurti: e-Kosova dëshmi e vizionit të qeverisë për t’i kthyer situatat e vështira në ndryshime pozitive
![Policia largon një flamur serb me mbishkrimin Rusia si dhe ua largon bluzat provokuese serbëve në Gazimestan](https://telegrafi.com/wp-content/uploads/2024/06/96121719569790-380x233.jpg)
Policia largon një flamur serb me mbishkrimin Rusia si dhe ua largon bluzat provokuese serbëve në Gazimestan
![Arrestohet ‘Niçja’ i Shijakut, policia publikon pamje nga arrestimi i tij](https://telegrafi.com/wp-content/uploads/2024/06/policia-e-shtetit-1-1-380x233.png)
Arrestohet ‘Niçja’ i Shijakut, policia publikon pamje nga arrestimi i tij
![Ku dhe si i gjeti policia kamerat në veri?](https://telegrafi.com/wp-content/uploads/2024/06/Veton-Elshani-vendi-ku-ishte-grupi-terrorist-serb-ne-Manastirin-e-Banjskes-se-Zvecanit-veri-foto-Ridvan-Slivova-69-e1699296486847-1-380x233.jpg)
Ku dhe si i gjeti policia kamerat në veri?
![Biserko: Vuçiqi s’do ta zbatojë Marrëveshjen e Brukselit, po e pret Trumpin](https://telegrafi.com/wp-content/uploads/2024/06/96121719650118-380x233.jpg)
Biserko: Vuçiqi s’do ta zbatojë Marrëveshjen e Brukselit, po e pret Trumpin
![Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254](https://telegrafi.com/wp-content/uploads/2024/02/1a-1-380x233.jpg)
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
![Ideale për zyre – në qendër të Prishtinës lëshohet banesa me qira ID-253](https://telegrafi.com/wp-content/uploads/2024/02/DSC00994-380x233.jpg)
Ideale për zyre – në qendër të Prishtinës lëshohet banesa me qira ID-253
![Krijo hapësirën tënde të biznesit – zyre me qira te 4 Llulat – 300€/muaj ID-252](https://telegrafi.com/wp-content/uploads/2024/02/Template-per-Instagram-380x233.jpg)
Krijo hapësirën tënde të biznesit – zyre me qira te 4 Llulat – 300€/muaj ID-252
![Ofertë e veçantë – vila në Brezovicë ofrohet me zbritje ID-246](https://telegrafi.com/wp-content/uploads/2023/11/Foto-Kryesore-4-380x233.jpg)
Ofertë e veçantë – vila në Brezovicë ofrohet me zbritje ID-246
![Një jetë e re fillon këtu – banesa e gatshme 2+1 në rrugën ‘Gazmend Zajmi’ ID-251](https://telegrafi.com/wp-content/uploads/2024/02/Foto-Kryesore-380x233.jpg)
Një jetë e re fillon këtu – banesa e gatshme 2+1 në rrugën ‘Gazmend Zajmi’ ID-251
Më të lexuarat
![Gjashtë emrat që mund ta zëvendësojnë Bidenin si kandidatë të demokratëve për president](https://telegrafi.com/wp-content/uploads/2024/06/Screenshot_28-13-380x233.png)
Gjashtë emrat që mund ta zëvendësojnë Bidenin si kandidatë të demokratëve për president
![Çfarë do të ndodhte nëse Biden do të vendoste të tërhiqej nga gara për president?](https://telegrafi.com/wp-content/uploads/2024/06/Screenshot_18-24-380x233.png)
Çfarë do të ndodhte nëse Biden do të vendoste të tërhiqej nga gara për president?
![Ku dhe si i gjeti policia kamerat në veri?](https://telegrafi.com/wp-content/uploads/2024/06/Veton-Elshani-vendi-ku-ishte-grupi-terrorist-serb-ne-Manastirin-e-Banjskes-se-Zvecanit-veri-foto-Ridvan-Slivova-69-e1699296486847-1-380x233.jpg)
Ku dhe si i gjeti policia kamerat në veri?
![Njeriu më i zgjuar në botë: Kështu jeton Christopher Langan i cili është personi më inteligjent në planet](https://telegrafi.com/wp-content/uploads/2024/06/chris-langan-missouri.jpeg)
Njeriu më i zgjuar në botë: Kështu jeton Christopher Langan i cili është personi më inteligjent në planet
![Morën vendime të gabuara, dy gjyqtarë largohen nga Euro 2024](https://telegrafi.com/wp-content/uploads/2024/06/gjyqtaret-2-380x233.jpg)
Morën vendime të gabuara, dy gjyqtarë largohen nga Euro 2024
![Nagelsmann bëhet i pamëshirshëm, pritet ta largojë nga formacioni superyllin për ndeshjen ndaj Danimarkës](https://telegrafi.com/wp-content/uploads/2024/06/nagelsmann-gjermani-380x233.jpg)
Nagelsmann bëhet i pamëshirshëm, pritet ta largojë nga formacioni superyllin për ndeshjen ndaj Danimarkës