Gjëja e vetme që nuk duhet të bëni kurrë kur partneri juaj është i mërzitur

Pa marrë parasysh se sa shumë e doni partnerin tuaj, ka ndoshta disa sjellje apo gjëra që ju bezdisin edhe juve në raport me të

Zilja e lartë e telefonit, bisedat me “gishta në vesh” me njerëzit që takon rrugës, me siguri ka plot situata që ju acarojnë.

Sabrina Romanoff, psikologe klinike në New York, thotë se ekziston një gabim i zakonshëm që shumë çifte e bëjnë kur përpiqen të adresojnë ose “ndreqin” sjelljet acaruese të partnerit.

“Mos kritikoni pa fakte dhe një bazë të fortë argumentesh,” thotë ajo. Për shembull, ajo sugjeron shmangien e kritikave të tilla si: “Ti gjithmonë harron të më tregosh për planet e tua deri në sekondën e fundit”, ose “Është kaq e bezdisshme që vetëm unë laj enë sepse ti nuk i prek me dorë” etj.

Ankesa si këto, jo vetëm që do ta bëjnë partnerin të ndihet i sulmuar, por ata me siguri nuk do të duan më të angazhohen në asnjë gjë që ka lidhje me shtëpinë, mbarëvajtjen e punëve, fëmijët etj.

Pra, në vend që të përqendroheni vetëm në atë që ata po bëjnë gabim, shpjegoni ndikimin që ka te ju një sjellje e caktuar dhe tregoni se çfarë do donit që personi tjetër të bënte në vend të kësaj.

Pra, ju mund të thoni: “Më shqetëson kur nuk më tregon për planet tuaja deri në minutën e fundit. A mund të më japësh herën tjetër një sinjal që edhe unë të mos rri gjithë natën zgjuar duke menduar se ku je?”

Zhvendosja e bisedës drejt një zgjidhjeje ka më shumë gjasa të çojë në një diskutim kuptimplotë dhe më pak zënka dhe debate të zgjatura.

Lexo po ashtu Kur çiftet mërziten, psikologët thonë se përdorin këto pesë gjuhë

/Telegrafi/