Serbia nuk e ka mbështetur deklaratën e Bashkimit Evropian në të cilën përgjegjësia për vdekjen e opozitarit rus Alexei Navalny i atribuohet presidentit rus Vladimir Putin, ka mësuar Radio Evropa e Lirë nga burime diplomatike në Bruksel.
Të mërkurën, më 28 shkurt, skadoi afati për vendet e treta për të deklaruar nëse pajtohen me qëndrimin e BE-së në lidhje me vdekjen e Navalnyt, transmeton Telegrafi.
Burimet e Rel-it sqaruan se Serbia nuk është deklaruar fare deri në afat, gjë që për procedurat e BE-së nënkupton se nuk është përmbajtur me qëndrimin e BE-së.
Të njëjtat burime diplomatike konfirmuan se të gjitha vendet e tjera të Ballkanit Perëndimor janë rreshtuar me qëndrimin e BE-së. Kjo deklaratë, thonë ata, nuk u mbështet nga Turqia dhe Armenia.
Ministria e Integrimeve Evropiane dhe Ministria e Punëve të Jashtme të Serbisë, nuk iu përgjigjën pyetjeve të Rel-it për deklaratën e BE-së për vdekjen e Navalny.
Deri më tani, Serbia nuk ka respektuar asnjë nga masat kufizuese apo deklaratat kundër Rusisë, që BE-ja ka vendosur që nga fillimi i agresionit kundër Ukrainës.
Në deklaratën për vdekjen e Alexei Navalny, të publikuar më 19 shkurt në emër të BE-së nga Përfaqësuesi i Lartë për Politikën e Jashtme dhe Sigurinë, Josep Borrell, konsiderohet se përgjegjësia përfundimtare për vrasjen e Navalny është e presidentit Putin dhe autoriteteve të Rusisë. /Telegrafi/
Promo
Reklamo këtuLufta Prigozhin - Putin
Më shumëNga Rubrika
Ukraina do të përfitojë nga asetet e ngrira ruse në vendet e BE-së – sa para në vit do të transferohen në Kiev?
Rruga e drejtë më e gjatë në botë dhe pa asnjë kthesë është 240 km: Ajo është e mërzitshme për tu vozitur dhe gjendet në Azi
Vuçiq: Amendamentet malazeze për rezolutën për Srebrenicën luajtën një rol shumë të ndyrë
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Krijo hapësirën tënde të biznesit – zyre me qira te 4 Llulat – 300€/muaj ID-252
Ofertë e veçantë – vila në Brezovicë ofrohet me zbritje ID-246
Një jetë e re fillon këtu – banesa e gatshme 2+1 në rrugën ‘Gazmend Zajmi’ ID-251