Interi ka prioritet të qartë transferimi në afatin kalimtar të janarit

Me Juan Cuadrado që pritet të qëndrojë jashtë fushës për të paktën tre muaj, Tajon Buchanan është shfaqur si prioriteti i Interit për afatin kalimtar të janarit, por Nerazzurrët janë gjithashtu të interesuar për një sulmues të ri dhe janë lidhur me Luis Muriel të Atalantas.

Sipas Gazzetta dello Sport, Interi duhet të nënshkruajë një mbrojtës të ri të krahut të djathtë muajin e ardhshëm pasi Cuadrado do t’i nënshtrohet operacionit sot në Finlandë, duke mbetur jashtë fushës për të paktën tre muaj.

Prioriteti i Nerazzurrëve për muajin e ardhshëm është të gjejë një zëvendësues afatgjatë për kolumbianin dhe Buchanan i Club Burgge, 24 vjeç, është shfaqur si opsioni i tyre kryesor.

Kontrata e Buchanan skadon në qershor të 2025, kështu që Interi duhet të negociojë me klubin e tij. Beppe Marotta raportohet se dëshiron një titullar të mundshëm në krahun e djathtë edhe sepse bisedimet për të vazhduar me Denzel Dumfries po ‘përparojnë ngadalë’, kështu që holandezi mund të largohet në fund të sezonit nëse nuk nënshkruan një marrëveshje të re.

Interi po fokusohet gjithashtu në repartin e sulmit për shkak të lëndimeve të përsëritura të Marko Arnautovic dhe Alexis Sanchez.

Sipas mediumit italian, Muriel dhe Mehdi Taremi janë objektiva të mundshëm për verën e ardhshme kur skadon kontrata e tyre me klubet, Atalanta dhe Porto.

Momentalisht, Atalanta nuk është e gatshme të lërë Muriel të largohet në janar, por Marotta do të diskutojë një marrëveshje për një sulmues të ri vetëm në fund të janarit pasi të përfundojë një nënshkrim të ri në krahun e djathtë. /Telegrafi/