Çfarë i duhet Man United për të siguruar kualifikimin tutje, pas barazimit me Galatasaray?

Manchester United ka luajtur baras me rezultat 3-3 ndaj Galatasaray në udhëtim, por çfarë i duhet “Djajve të Kuq” për t’u kualifikuar në fazën me eliminim direkt në Ligën e Kampionëve?

Alejandro Garnacho hapi ndeshjen me golin e tij brenda 12 minutave pas një finishi brilant duke e lënë pa asnjë mundësi Musleran.

Bruno Fernandes më pas e dyfishoi avantazhin e United disa minuta më vonë, me një goditje nga distanca, para se Hakim Ziyech të rikthejë në lojë ekipin turk me një gol nga gjuajtja e lirë.

Scott McTominay më pas i dha Unitedit hapësirë për të marrë frymë pasi shënoi për rezultatin 3-1.

Sidoqoftë, një gabim i Andre Onanas bëri që Ziyech të shënojë përsëri nga gjuajtja e lirë, para se Kerem Akturkoglu të barazojë shifrat me një gol të jashtëzakonshëm dhjetë minuta më vonë.

Çfarë i duhet Manchester Unitedit për t’u kualifikuar tutje?

Ndeshja tjetër e grupit mes Kopenhagës dhe Bayern Munich do të luhet me fillim nga ora 21:00.

Ekipi i Thomas Tuchel është favorit për të fituar këtë takim, por nëse ekipi danez e mposht ose barazon ndaj Bayernit, ata do të parakalojnë Unitedin në renditje.

Sidoqoftë, nëse llogarisim se Bayern do të triumfojë në këtë takim, ja se si United mund të kualifikohet:

Nëse Galatasaray mposht Kopenhagën në xhiron e fundit të grupit, ata do të kualifikohen dhe United do të eliminohet.

Nëse, Manchester United mposht Bayernin dhe Galatasaray barazon apo humbet, ata ende kanë një mundësi për t’u kualifikuar.

Kjo për shkak se United ka një avantazh kundrejt Kopenhagës shkaku i golaverazhit, pasi kanë shënuar tre gola ndaj tyre më herët në këtë muaj, që do të thotë se ata do të kualifikoheshin nëse mposhtin Galatasarayn.

Me të vërtetë është mjaft interesante për të parë se si do të përfundojë kjo ‘luftë’ e ashpër në këtë grup dhe për këtë duhet të presim deri në muajin e ardhshëm./Telegrafi/