Declan Rice i bindur se mund të fitojë trofe të tjerë me Arsenalin

Declan Rice e ka nisur me trofe aventurën e tij te klubi i ri Arsenali.

Mesfushori anglez iu bashkua Topçinjve nga West Ham United gjatë afatit kalimtar të verës për një shifër rekorde prej 116 milionë eurove.

24-vjeçari është shprehur shumë i lumtur që ka arritur të fitoj trofeun e parë, pasi në finale mposhtën Manchester Cityn 4-1 pas ekzekutimit të penalltive.

Lexo po ashtu E mposhti Cityn pas tre vitesh, Arteta: E mrekullueshme, triumfuam ndaj më të mirëve në botë

“Jam i ekzaltuar, po dridhem nga emocionet, jam realisht shumë i lumtur. Kur përballesh me Manchester Cityn duhet të kesh durim, pasi kundër tyre zhvillon disa mini-ndeshje brenda ndeshjes”.

“Trajneri na kishte paralajmëruar për rreziqet që do të na vinin prej tyre. Jam përmirësuar shumë në tri javët e fundit, e ndjej. Po mësoj gjëra të reja, po rritem falë kërkesave të trajnerit”, deklaroi Rice.

Lexo po ashtu Notat e lojtarëve: Man City 1-1 Arsenal, veçohen Saka e Ramsdale

Rice beson se ky është vetëm fillimi, pasi thotë se mund ta realizojnë çdo objektiv që kanë para vetës.

“Jam i sigurt se mund të realizojmë çdo objektiv këtë sezon. Mjafton që të qëndrojmë të fokusuar dhe të mos humbim përqendrimin”, u shpreh mesfushori anglez. /Telegrafi/