Zbulohet se sa para do të fitojnë finalistët e Kupës së Italisë

Fituesi i Kupës së Italisë për edicionin 2022-2023 do të fitojë rreth 4.5 milionë euro, ndërsa çmimi për nën-kampionët është dy milionë euro.

Fiorentina dhe Interi takohen në finalen e Kupës së Italisë në Stadio Olimpico sot (e mërkurë) mbrëma me fillim nga ora 21:00.

Calcio&Finanza ka zbuluar se fituesi i ndeshjes së sotme do të fitojë rreth 4.5 milionë euro, ndërsa humbësi do të marrë dy milionë euro.

Lexo po ashtu Fiorentina – Inter, formacionet e mundshme të finales së Kupës së Italisë

Interi dhe Fiorentina kanë fituar tashmë rreth tre milionë euro për arritjen në finale, kështu që, në përgjithësi, skuadra që ngre kupën do të marrë shtatë milionë euro, rreth dy milionë euro më shumë se nën-kampionët.

Viola dhe Nerazzurrët do të marrin gjithashtu nga 45 për qind nga të ardhurat e biletave për ndeshjen e sotme në Olimpico, ndërsa Lega Serie A do të mbajë 10 për qindshin e mbetur.

Të ardhurat nga biletat për finalen e sezonit të kaluar ndërmjet Interit dhe Juventusit, gjithashtu në Stadio Olimpico, ishin 5.15 milionë euro, me pothuajse 68 mijë tifozë në stadium.

#Fiorentina e #Inter a caccia della Coppa Italia: quanto vale il trofeo. Tutte le cifre tra premi, botteghino e l’accesso alla nuova Supercoppa italiana https://t.co/UypnHEbZXG pic.twitter.com/w6xb8seGW5

— Calcio e Finanza (@CalcioFinanza) May 24, 2023

Me arritjen në finale, Interi dhe Fiorentina kanë fituar gjithashtu qasje në Superkupën e 2023/24, e cila do të përfshijë katër klube për herë të parë.

Fituesi i Serie A, Napoli është kualifikuar, ndërsa vendi i katërt dhe i fundit i takon nën-kampionëve të ligës që momentalisht janë Lazio. /Telegrafi/