“Të kam zemër, të dua” – Kiara i dërgon dronin e parë Luizit për t’i treguar mbështetjen e saj jashtë BBVA

Dyshja që krijuan një histori të bukur dashurie brenda Big Brother VIP Albania, Luiz Ejlli dhe Kiara Tito po vazhdojnë të komentohen edhe pas daljes së moderatores nga shtëpia e famshme.

Eliminimi Kiarës ka bërë që moderatorja të shpreh edhe më hapur ndjenjat për këngëtarin shkodran që është ende pjesë e BBVA.

Moderatorja i është kthyer normalitetit pas qëndrimit mbi 90 ditë brenda shtëpinë së BBVA dhe tashmë është bërë mjaft aktive në rrjetet sociale duke treguar mbështetjen e pakushtëzuar për partnerin e saj.

Krahas postimeve ku ajo po shpreh dashurinë që ka ndaj tij, Kiara sot (e mërkurë) ka bërë një tjetër gjest romantik duke i dërguar atij një dron.

“Të kam zemër, të dua”, shkruhej në dronin e dërguar nga moderatorja, e që Luizi arriti ta shoh teksa po qëndronte në oborr.

Theksojmë që Luizi kishte insistuar që në rast se Kiara largohet para tij ajo t’i tregoj në ndonjë mënyrë që po e mbështet nga jashtë.

Lexo po ashtu Fotografi në vende të njëjta në periudhë të njëjtë kohore – rikthehen aludimet për lidhjen e mohuar të Kiarës me djalin e biznesmenit të njohur shqiptar

Ai edhe pak ditë më parë ishte i shqetësuar sesi po e sheh Kiara pasi ka dal jashtë dhe nëse po arrin t’i përballoj situatat.

Ndryshe, kujtojmë që mbrëmë (e martë) spektakli i zakonshëm nuk u mbajt për shkak të vrasjes së rojës së sigurisë në Top Channel pak ditë më parë.

Arbana i njoftoi banorët për lajmin tragjik për ta mbyllur më pas mbrëmjen duke thënë se rrjedha normale e tij do të rikthehet të shtunën. /Telegrafi/