PSG dhe Interi gjejnë marrëveshje për Milan Skriniarin, por zikatërit nuk po mund të gjejnë zëvendësues

Sportitalia raporton se Interi pranoi një ofertë nga PSG për Milan Skriniar, por Atalanta nuk po e lërë Merih Demiral të largohet për ta zëvendësuar sllovakun, i cili me shumë gjasë do të qëndrojë në Stadio Meazza.

Skriniar ka konfirmuar tashmë një marrëveshje me gjigantët e Ligue 1, të cilëve do t’i bashkohej si një transferim i lirë në fund të kontratës së tij me Interin në qershor.

PSG është përpjekur të bie dakord për një tarifë transferimi me Interin për afatin e janarit dhe sipas Sportitalia, ata arritën objektivin e tyre, duke shtrënguar duart për një transferim të mundshëm prej 15 milionë euro.

Megjithatë, Interi nuk do ta lërë mbrojtësin e tyre të largohet pa një zëvendësues të vlefshëm. Interi u përpoq që të afronte Merih Demiralin nga Atalanta, por kërkesat e tyre për huazimi me detyrim blerje për 25 milionë euro ndaluan Nerazzurrët.

Lexo po ashtu Dita e fundit e afatit kalimtar ‘Janar 2023’

Në çdo rast, Skriniar pritet të qëndrojë në Inter deri në fund të sezonit, duke u larguar për asgjë në qershor. Ai nuk pritet të jetë pjesë e ndeshjes së sotme në Kupën e Italisë me Atalantën. /Telegrafi/