Sensacionin e Dortmundit po e duan gjigantët evropianë

Liverpooli thuhet se po udhëheq garën për të nënshkruar me yllin e ri të Borussia Dortmundit, Youssoufa Moukoko.

Sulmuesi 17-vjeçar e ka nisur këtë sezon në formë të shkëlqyer në ekipin e parë të skuadrës së Bundesligës, duke shënuar tre gola në nëntë ndeshje të ligës.

Në të gjitha garat, ai ka luajtur 15 herë, pavarësisht se është kaq i ri, pasi sulmuesi gjerman duket si një nga perspektivat më të nxehta në Evropë.

Cilësitë e tij po e shohin atë të tërheqë interes nga disa prej klubeve më të mira në Evropë, me Liverpoolin e Jurgen Kloppit që gjendet në më të mirin pozicion për nënshkrimin e tij, sipas gazetës spanjolle SPORT.

Thuhet se Klopp ka qenë i impresionuar me paraqitjet e sulmuesit për ish-klubin e tij dhe mund të jetë i interesuar ta sjellë atë në Anfield në mënyrë që të forcojë opsionet e tij sulmuese në të ardhmen.

Megjithatë, raportimi sugjeron se Reds do të duhet të konkurrojnë me Barcelonën, Real Madridin dhe PSG-në në mënyrë që të fitojnë nënshkrimin e tij pasi ai do të jetë një lojtar i lirë në fund të sezonit. /Telegrafi/