Kanë përfunduar ndeshjet e xhiros së 29-të në elitën e futbollit kosovar BKT Superligë.
Ka qenë një javë me plot derbi ku nuk kanë munguar edhe rezultatet mjaftë interesante.
Ballkani ka vazhduar me fitore pasi ka mposhtur Prishtinën me rezultat të pastër 2-0, derisa Gjilani ka vazhduar ndeshjet e mira e me ‘manita’ duke mposhtur Feronikelin 5-1.
Llapi është rikthyer te fitorja ndaj Dritës pas tri viteve, pasi i ka mposhtur gjilanasit me rezultat minimal 1-0, fitore që erdhi pas 10 ndeshjeve mes dy ekipeve e ku llapjanët nuk kishin arkëtuar pikët e plota.
Dukagjini ka marrë njërën nga fitoret më të rëndësishme duke triumfuar 0-1 në udhëtim te Drenica, derisa Malisheva ka fituar minimalisht 1-0 ndaj Ulpianës.
Redaksia e sportit në portalin më të madh në vend, Telegrafi.com ka zgjedhur si gjithmonë më të mirët e javës në futbollin kosovar.
Portieri
Altik Muhaxhiri ka qenë fantastik në fitoren e madhe që Dukagjini mori në udhëtim te Drenica. Portieri gjakovar bëri katër pritje vendimtare duke shpëtuar skuadrën e tij pa pësuar gol.
Mbrojtja
Armend Thaqi vazhdon shkëlqimin në krahun e djathtë me Ballkanin. Mbrojtësi i djathtë ishte fantastik në repartin defensivë duke ndalur çdo sulm të mysafirëve, derisa dha kontribut të madh edhe në ofensivë me depërtimet dhe harkimet e rrezikshme.
Në qendër të mbrojtjes vjen kapiteni i Malishevës, Dren Kryeziu që ka bërë një ndeshje të madhe ndaj Ulpianës. Kryeziu ishte i pakalueshëm në mbrojtje, derisa në dy tentime edhe rrezikoi portën e mysafirëve.
Elvis Prençi nënjë ndeshje tjetër të rëndësishme tregoi se është lider i Llapit në defensivë. Mbrojtësi nga Shqipëria ndali për mrekulli sulmuesin qendror më të rrezikshëm në ligë, Marko Simonovskin.
Krahu i majtë i mbrojtjes mbulohet nga Arbër Shala. Mbrojtësi rahovecias ishte më i miri te Dukagjini, duke shënuar edhe golin për tre pikët e mëdha.
Mesfusha
Ergyn Ahmeti u rikthye nga lëndimi dhe i ka dhënë energji të madhe Dukagjinit. Mitrovicasi ishte fantastik në duel me Drenicën duke dominuar në mesfushë.
Në qendër të mesfushës së bashku me Ahmetin është edhe Arbnor Ramadani i Llapit. Mesfushori gjilanas shkëlqeu ndaj ish-skuadrës duke dominuar përballë mesfushës me plot yje të Dritës. Ramadani ishte motorri i llapjanëve duke shkatërruar të gjitha aksionet e mysafirëve e duke ndërtuar ato të vendasve.
Blend Baftiu vjen në pozitën e mesfushorit ofensivë në kuadër të formacionit më të mirë të xhiros së 29-të. Baftiu ka qenë fantastik ndaj Prishtinës, duke rrezikuar në disa raste ish-skuadrën e tij dhe duke shënuar golin e parë për Ballkanin në këtë sfidë.
Në krahun e djathtë vije Nazmi Gripshi që ka qenë i pandalshëm në përballjen Ballkani – Prishtina. Durrsaku fillimisht fitoi penallti e pastaj asistoi edhe në dy golat e skuadrës së tij ndaj Prishtinës.
E në krahun e majtë vjen Ronald Sobowale i Malishevës. Anglezi ishte i pandalshëm ndaj Ulpianës, ku realizoi edhe golin e fitores për malishevasit.
Sulmi
Keita Razak Aziz ka qenë më meritori për fitoren e Gjilanit 5-1 ndaj Feronikelit. Sulmuesi nga Bregu i Fildishtë shkëlqeu me dy gola e një asistim në këtë triumf të ‘Skifterave’.
Trajneri i javës
Armend Dallku merr epitetin e trajnerit të xhiros së 29-të në BKT Superligë. Trajneri vushtrrias ka marrë njërën nga fitoret më të rëndësishme me Dukagjinin në udhëtim te Drenica. Dallku në konkurrencë për trajnerin e javës ka mposhtur emrat si Ilir Daja e Tahir Batatina. /Telegrafi/
Promo
Reklamo këtuLufta Prigozhin - Putin
Më shumëNga Rubrika
Robin Krasniqi dominues ndaj Jorge Silva, fiton me pikë pas dhjetë raundesh
Vinicius ironizon me Araujon: Publikon trofetë e fituar nga gjenerata e re e Real Madridit
Laporta shumë nervoz pas humbjes me Gironan – ai bërtiti vetëm me pesë fjalë, humbja mund t’i kushtojë miliona euro Barcelonës
Carlo Ancelotti tregon momentin më vendimtar në garën për titull në La Liga këtë sezon
I refuzoi Xabi Alonso, Bayerni identifikon trajnerin e njohur spanjoll si pasues të Tuchelit
Lufta e radhës në La Liga është ajo për “Pichichin” – me katër ndeshje të mbetura pesë lojtarë në garë
Laporta shumë nervoz pas humbjes me Gironan – ai bërtiti vetëm me pesë fjalë, humbja mund t'i kushtojë miliona euro Barcelonës
Ronaldo vazhdon të dhurojë magji në fushë, shënon het-trik në fitoren e thellë të Al Nassr
Modric dhe Nacho në librat e historisë së Real Madridit, kroati theu edhe një tjetër rekord
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
"E pabesueshme, qesharake, absurde...", reagimet ndaj deklaratës së Borrellit, se mezi pret të punojë me qeverinë e re të Serbisë
Nuk pajtohet me Ancelottin, mbrojtësi i Real Madridit ka gjetur destinacionin e ri
Erdogan foli pas ndërprerjes së marrëdhënieve tregtare mes Turqisë dhe Izraelit
U përfol se u ndanë për të shpëtuar pasurinë, Bes Kallaku jep përgjigjjen përfundimtare
Çfarë pyetje u bëhen qytetarëve në diasporë për regjistrim?
Po shkëlqen te Borussia Dortmund, por është lojtar i Chelseat – Guardiola e do me çdo kusht te Man City