Lukaku tregon dashurinë e kamotshme për Interin, zgjedh golin më të mirë të tij dhe lojtarët më të mirë zikaltër të të gjitha kohërave

Romelu Lukaku ka thënë se ai gjithmonë dëshironte të luante për Interin dhe ka emëruar lojtarët e tij të preferuar në historinë e Nerazzurrëve.

Sulmuesi belg u transferua në Stadio Giuseppe Meazza nga Manchester Unitedi në vitin 2019 dhe që atëherë ka pasur shumë sukses me Interin.

“Unë gjithmonë kam dashur të luaj për Interin. Jam tepër krenar që e vesh këtë fanellë. Është diçka e mrekullueshme. Unë jam një internist”, ka thënë fillimisht 27-vjeçari në një intervistë përpara ndeshjes së kësaj mbrëmje kundër Romës.

“Gjithmonë e kam ditur se do të kisha pasur një marrëdhënie të veçantë me Antonio Conten. Kur u bashkova me Interin, i qova mesazh duke i thënë: “Po vij”.

Ish-ylli i Djajve të Kuq zgjodhi golin e tij më të mirë deri më tani me Interin.

“Ai që shënova kundër Milanit, ka të gjitha karakteristikat e mia. Vrapimi, fuqia dhe saktësia. Dhe ka një kuptim të thellë për mua dhe sezonin tonë”.

“Ne e fituam titullin për shkak të shpirtit tonë të jashtëzakonshëm të ekipit”.

“Unë jetoj për familjen time dhe për të bërë të lumtur njerëzit e tjerë. Gëzimi i tifozëve të Interit është gjithashtu i imi”.

📰 | MATCHDAY PROGRAMME

💥 C'è un protagonista speciale nel magazine di #InterRoma! 💥
📲 Tutto quello che devi sapere su @RomeluLukaku9, dalla sua passione per i nostri colori alla Top 5 interista, lo trovi qui 👉 https://t.co/nNorEXi7iI #FORZAINTER ⚫️🔵 pic.twitter.com/jYUdSfv2VZ

— Inter 🏆🇮🇹 (@Inter) May 12, 2021

E fundit, por jo më pak e rëndësishmja, Lukaku emëroi lojtarët e tij të preferuar të Interit të të gjitha kohërave.

“Julio Cesar ishte i jashtëzakonshëm, me aftësi të shkëlqyera teknike dhe karizëm të madh. Pastaj Maicon kishte shpejtësi dhe teknikë”.

“Sa i përket Adrianos, unë i njoh të di gola e tij përmendësh. Vendosmëria dhe klasi i Eto’s më kanë frymëzuar mua dhe Ronaldo, fenomeni, kishte futbollin në fatin e tij”, përfundoi ylli belg. /Telegrafi/