Ka përfunduar java e nëntë në elitën e futbollit kosovar me pesë ndeshje të zhvilluara.
Katër fitore i kanë takuar vendasve derisa një tjetër mysafirëve në xhiron që asnjë takim nuk përfundoi pa fitues.
Në xhiron e nëntë u shënuan nëntë gola, ku në dy takime u panë nga tre gola dhe në tri të tjera vetëm nga një.
Ballkani ka fituar derbin ndaj Prishtinës 2-1 me një rikthim fantastik, teksa me rezultat identik ka shënuar fitore edhe Drenica ndaj Trepçës ’89.
Drita mposhti në udhëtim Arbërinë 0-1, ndërsa me rezultat të njëjtë triumfuan edhe Gjilani ndaj Besës dhe Feronikeli ndaj Llapit.
Telegrafi ka zgjedhur 11 futbollistët më të mirë të javës, por edhe trajnerin më të mirë.
Portieri:
Enea Koliqi përsëri zë vend në formacionin më të mirë të javës. Gardiani shqiptar ka shpëtuar Gjilanin pasi bëri disa pritje fantastike ndaj Besës. E falë pritjeve të mrekullueshme të Koliqit, Gjilani mori tri pikë të mëdha nga dueli me pejanët.
Mbrojtja:
Shkëlzen Lushtaku ishte fantastik për Drenicën në përballje me Trepçën ’89. Mbrojtësi i djathtë ishte i pakalueshëm në repartin defensivë, por që arriti të shënoj edhe golin e parë në fitoren e skuadrës së tij. Në krahun e majtë të mbrojtjes është përsëri një golashënues, ku Yll Hoxha me golin e tij i siguroi tri pikë të arta Feronikelit në përballje me Llapin.
Kapiteni i Dritës, Ardian Limani ka rikthyer formën e tij më të mirë pasi tashmë ka harruar lëndimin e pësuar. Numri pesë i kampionit në fuqi ishte fantastik në përballje me Arbërinë duke larguar disa herë rrezikun nga zona e tij. Përkrah Limanit në qendër të mbrojtjes është Prince Balde i Feronikelit. Mbrojtësi nga Liberia ishte i pakalueshëm ndaj Llapit duke neutralizuar sulmuesin Ahmed Januzi.
Mesfusha:
Edvin Kuc ka qenë njëri nga lojtarët më meritor që Ballkani bëri atë rikthim të ‘çmendur’ ndaj Prishtinës. Mesfushori qendror harkoi dy herë në zonë dhe në të dyja rastet u shënuan golat e liderit aktual të Superligës. Kuc vazhdon të ngritë nivelin e tij javë pas jave dhe padyshim që mbetet njëri nga mesfushorët më të mirë në elitë. Përkrah tij është Bujar Shabani i Dritës, që i dha kampionit tri pikë me golin e shënuar. Përveç golit ndaj Arbërisë, Shabani kreu punë jashtëzakonisht të madhe edhe në mesfushë duke shkatërruar aksionet e kundërshtarëve.
Guathier Mankenda ishte i jashtëzakonshëm për Prishtinën, por as paraqitja e tij fantastike nuk i ndihmoi bardhekaltërve të triumfonin në derbi ndaj Ballkanit. Gjithsesi Mankenda bëri një ndeshje të madhe duke qenë i jashtëzakonshëm në krahun e djathtë të sulmit dhe duke asistuar në golin e vetëm të kryeqytetasve.
Nazmi Gripshi nuk shënoi dje ndaj Prishtinës, por mesfushori shqiptar bëri një ndeshje të madhe. Ai ka qenë kudo në fushë, duke krijuar disa raste shënimi, por edhe organizuar aksionet e Ballkanit. Ishte një ndeshje fantastike nga 23-vjeçari që i mungoi vetëm goli ndaj Prishtinës.
Në krahun e majtë të repartit ofensivë është Hysen Tahiri i Drenicës. 28-vjeçari ishte i pandalshëm nga mbrojtja e mitrovicasve derisa asistoi për golat e shënuar nga kuqezinjtë.
Sulmi:
I vetëm në sulm kësaj radhe vjen Mevlan Zeka. Sulmuesi gjakovar ka qenë gjithmonë produktiv për Ballkanin sa herë është inkuadruar në fushë. Ai shënoi dy gola për fitoren e suharekasve duke i bërë të qartë trajnerit Munishi se meriton më shumë minuta. Gjithsesi falë dy golave ndaj Prishtinës, Zeka është padyshim lojtari i javës së nëntë në Superligë.
Trajneri i javës:
Ismet Munishi i mungoi skuadrës së tij Ballkanit në duel me Trepçën ’89 për shkak të dënimit me karton të kuq. Gjithsesi Munishi u rikthye në bankë në derbi ndaj Prishtinës dhe fitorja erdhi për Ballkanin. Përkundër që ishte në disavantazh, Munishi bëri zëvendësimet adekuate dhe e motivoi skuadrën për ta marrë një fitore nga një ndeshje që dukej e humbur. Padyshim që fitorja e ‘Xhebrailave’ është meritë edhe e trajnerit Munishi. /Telegrafi/
Lufta Prigozhin - Putin
Më shumëNga Rubrika
Si e vazhdoi Rodri serinë e tij të pamposhtur prej 70 ndeshjesh për Man Cityn pavarësisht humbjes nga Real Madridi
Spektakël në Tetovë, Shkëndija fiton Brerën, humbin Struga dhe Shkupi!
Njihuni me bukuroshet shqiptare që morën vëmendjen e të gjithëve në Allianz Arena
Jurgen Klopp rrugës për rolin shokues pasi që të largohet nga Liverpooli
Pep Guardiolas i mungon një ish-lojtar i Man Cityt dhe pendohet për shitjen e tij
Daniel Sturridge bëhet viral me parashikimet e frikshme të sakta për ndeshjen Bayern Munich-Real Madrid
Tuchel i pamëshirshëm me yllin e Bayernit: Bëri dy gabime në dy golat e pranuar
Steve McManaman tregon se cili lojtar i Bayernit ishte fajtor për barazimin ndaj Realit
Presidenti i Bayernit shokon të gjithë me trajnerin e ri që do ta marrë drejtimin e klubit: Ai është një ekspert i shkëlqyer
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Harry Kane i përgjigjet incidentit të penalltisë me Jude Bellingham me një përgjigje të qartë
Ancelotti tregohet i sinqertë për lojën që bëri Bayerni përballë Realit
Tchouameni ndërpreu Mullerin në intervistë, krijohet situatë qesharake mes dyshes
Tifozja shqiptare e mbështjellur me flamurin kombëtar në tribunat e Allianz Arenas për ndeshjen Bayern-Real
Kosova në KiE dhe rezoluta për Srebrenicën, mediat rajonale: Vuçiq e pranoi zyrtarisht humbjen
Peci: Nëse draft-statuti nuk dërgohet në Kushtetuese, procesi i anëtarësimit të Kosovës në KiE nuk do të hyjë as në rend të ditës