Ekspertët parashikojnë si do të jetë jeta jonë pas vaksinës së COVID-19
Pas pandemisë, gjithçka në jetën e njerëzve ndryshoi, nga distancimi social e deri te higjiena personale
Ekspertët e shëndetit publik janë duke pritur një vaksinë, që më gjasë pretendohet të kthejë normalitetin e mëparshëm, megjithatë gjasat janë që asgjë nuk do të jetë më si më parë.
Çfarë do të thotë ekzaktësisht kjo?
Do të vazhdojmë të mbajmë maska
Nxjerrja e një vaksine në treg nuk përkthehet në zhdukje të virusit. Ekspertët e shëndetit theksojnë se edhe pas vaksinës, një pjesë e njerëzve do të vazhdojnë të mbajnë maska, sidomos ata që janë më të predispozuar për t’u infektuar.
“Mbajtja e maskës do të bëhet diçka normale, siç ka qenë në shumë vende të Azisë viteve të fundit,” u shpreh (via HuffPost) Hilary Godwin, dekane e Shkollës së Shëndetit Publik në Universitetin e Uashingtonit.
Shkencëtarët do të vazhdojnë të studiojnë efektivitetin e vaksinës
Shpejtësia me të cilën shkenca po punon për krijimin e një vaksine është mbresëlënëse, por nga ana tjetër gjithë presioni për të patur një produkt gjerësisht të pranuar sigurisht që ka edhe efekte negative.
Kjo do të thotë se edhe pas vaksinimit, ekspertët do të vazhdojnë hulumtimet.
Do të ketë më pak udhëtime biznesi dhe më shumë mundësi të reja të praktikave të punës
Me zhvillimin e teknologjisë dhe industrive të tjera, bota ka të ngjarë të kryejë më pak udhëtime pune për të aplikuar forma të tjera komunikimi.
“Nuk kemi pse të jemi fizikisht në të njëjtën dhomë për të punuar,” u shpreh Godwin.
Ajo shtoi gjithashtu se kompanitë do të përshtaten edhe me praktikën e punës nga shtëpia dhe do të duhet të jenë më fleksible me politikat e punës në distancë.
Nuk do të ketë koncerte…së shpejti
Ndonëse vaksinat mund të dalin në treg dhe të jenë efektive, sërish ngjarjet e mëdha sportive me shumë njerëz ose koncertet nuk pritet të jenë pjesë e normalitetit tonë.
Vërtet mjediset e hapura nuk janë fort të rrezikshme, mirëpo nuk mund të themi të njëjtën gjë për grumbullimet sociale.
Mund të kemi probleme me shëndetin mendor dhe jo vetëm
Nuk ka dyshim që pandemia e gjeti njerëzimin të papërgatitur dhe ngjarjet ndikuan në jetën e të gjithëve. Njerëzit me rrezikshmëri për t’u prekur nga depresioni mund të kenë pasur përkeqësim të gjendjes.
Ekspertët janë të shqetësuar për depresionin, ankthin, shkallën e vetëvrasjeve si edhe problemet martesore.
Do të rikthehet (me shpresë) vëmendja te fuqizimi i sistemit shëndetësor
Epidemitë dhe pandemitë janë një krizë për çdo sistem shëndetësor, ndaj një ndër sektorët ku duhet të ndërhyjnë autoritetet është padyshim ai i shëndetit publik.
Virusi nuk do të largohet plotësisht
COVID-19 nuk do të zhduket kur të shpiket vaksina. Ekspertët thonë se virusi do të vazhdojë të qarkullojë edhe sikur vaksina të jetë efektive.
Do të duhet të jetojmë me COVID për një kohë, të pacaktuar.
Burimi: HuffPost, Anabel
Promo
Reklamo këtuLufta Prigozhin - Putin
Më shumëNjë kryqëzim i rrugëve që mundon shumë shoferë. Shikoni mirë, kush ka përparësi kalimi?
Një enigmë matematikore me dy zgjidhje? Provoni të arrini përgjigjen përfundimtare
Test i inteligjencës me tetë pyetje, të cilat vetëm më të mençurit i dinë
Nëse semaforët nuk funksionojnë, kush ka përparësi në kryqëzim? Vetëm shoferët më të mirë do ta dinë përgjigjen menjëherë
Ja tipat më të papëlqyeshëm të meshkujve në një lidhje
Pse trajneri Arbër Peci këshillon të mos vrapojmë?
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Bëhen bashkë pas dy vitesh Blero e Afrona Dika
Çfarë thuhet në alarmin e NATO-s për aktivitetet 'armiqësore' ruse në Evropë?
“Thellohet misteri” – bleu apo jo SHBA-ja, 81 aeroplanë të vjetër sovjetikë nga Kazakistani?
Nga qershori Aeroportit të Prishtinës i shtohet edhe një linjë e re fluturimi
Xhaka me Bayer Leverkusenin hap të madh drejt finales, Roma bie në ‘Olimpico’
"Nuk ka mbaruar ende, na duhet edhe një gol kundër Romës për finale" - Xhaka flet pas fitores së madhe