BE-ja dhe Kosova nënshkruajnë marrëveshjen në vlerë prej 76 milionë eurove për rinovimin e termocentralit ‘Kosova B’
Kosova ka nënshkruar marrëveshjen e gjelbër me Bashkimin Evropian për rinovimin e termocentralit “Kosova B” dhe ndërrimin e elektro-filtrave dhe reduktimin e pluhurit dhe DENOX-it në vlerë prej 76.4 milionë euro.
Me këtë rast, përfaqësuesi i lartë i BE-së për Punë të Jashtme dhe Politikë të Sigurisë, Josep Borrell, i cili po qëndron për herë të parë në Kosovë pas marrjes së detyrës, ka thënë se realizimi i këtij projekti do t’i ndihmojë Kosovës në trajtimin e parandalimit të ndotjes së ajrit.
“Sot jemi këtu për të bërë një investim të madh nga BE, ne jemi të kënaqur që të japim 76 milionë euro që të ndihmojmë Kosovën në trajtimin e ndotjes së ajrit dhe të reduktojmë dyoksid karbonin”, tha Borrel.
Krahas saj, diplomati evropian tha se Kosova duhet të punojë më shumë për të pasur ajër më të pastër pasi gjendja aktuale nuk është e mirë.
“Kosova ka nevojë për lumenj më të pastër, ajër më të pastër, tokë më të pastër. Çështja e shëndetit është shumë me rëndësi dhe të ruhet natyra për gjeneratat dhe brezat që vijnë pas nesh. Ne e dimë këtë më mirë. Ne e dimë që ajri i ndotur është problem madhor për Kosovën, disa qytete të Kosovës janë në mesin e qyteteve më të ndotura në botë. Prishtina e di këtë shumë mirë, pasi për një kohë të gjatë ka qenë në mesin e qyteteve më të ndotura sa i përket ajrit. Kjo është e vërteta, në përgjithësi termocentralet e thëngjillit janë ndotës të mëdhenj në Evropë që e dëmtojnë shëndetin dhe mirëqenien njerëzore. Kur flasim për jetën, sepse ndotja e ajrit vret”, tha ai.
Drejtori menaxhues i KEK-ut, Njazi Thaçi duke përmendur të gjitha investimet e Bashkimit Evropian në institucionin që ai udhëheq tha se kanë arritur të eliminojnë disa prej ndotësve kryesorë, derisa mbështetja e fundit prej 76.4 milionë euro për ndërrimin e elektro-filtrave dhe reduktimin e pluhurit dhe DENOX-it sipas tij do të jetë jetike për Kosovën dhe sektorin e energjisë.
Krahas saj Thaçi bëri të ditur se edhe KEK-u në këtë projekt do të bëj investime në vlerë prej 54 milionë euro.
“Këto sfida i kemi trajtuar me radhë dhe janë eliminuar të gjitha dhe tani kemi një realitet tjetër. Prandaj u jemi thellësisht mirënjohës dhe falënderues qe na mundësuat të tejkalojmë edhe sfidën me të madhe me te cilën jemi ballafaquar deri tani dhe po e tejkalojmë falë mbështetjes financiare prej 76.4 milionë euro për ndërrimin e elektro – filtrave dhe reduktimin e pluhurit dhe DENOX-it. Në kuadër të këtij projekti edhe KEK-u me përkushtim maksimal është duke punuar në realizimin e investimeve në vlerë prej 54 milionë euro. Në këtë aspekt, investimi i BE-se në elektro-filtra është jetik për Kosovën dhe për sektorin e energjisë”, tha ai.
E shefja e Zyrës së BE-së në Kosovë, Nataliya Apostolova tha se duhet të punohet më shumë për mbrojtjen e mjedisit në Kosovë, dhe se për këtë arsye BE është angazhuar për këtë projekt.
Fjalë të mira për këtë projekt pati edhe menaxherja e projektit Rinora Gojani. Ajo mes tjerash kërkoi nga BE t’i bëjë më shumë presion Serbisë për zbatim të disa marrëveshjeve që ndërlidhen me parandalimin e ndotjes së ajrit.
Bashkimi Evropian në mënyrë të vazhdueshme e ka mbështetur financiarisht KEK-un, ku prej vitit 2000 vlera shkon në 177 milionë euro. /KP/Telegrafi/
Promo
Reklamo këtuLufta Prigozhin - Putin
Më shumëPolicia me apel për qytetarët: Kujdes nga mashtrimi përmes investimeve të dyshuara online
Hypi kerrit e nisu për n’Grand Blue Fafa këtë vikend
Bëhu banor i kryeveprës së Prizrenit - Grand Residence
Qysh bohet kerri i vogël, kerr i ri!
Me çka e shijon bukën ma s'shumti edhe pse bash me sugjukun Meka?
Nga qershori Aeroportit të Prishtinës i shtohet edhe një linjë e re fluturimi
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Bëhen bashkë pas dy vitesh Blero e Afrona Dika
Çfarë thuhet në alarmin e NATO-s për aktivitetet 'armiqësore' ruse në Evropë?
“Thellohet misteri” – bleu apo jo SHBA-ja, 81 aeroplanë të vjetër sovjetikë nga Kazakistani?
Nga qershori Aeroportit të Prishtinës i shtohet edhe një linjë e re fluturimi
Xhaka me Bayer Leverkusenin hap të madh drejt finales, Roma bie në ‘Olimpico’
"Nuk ka mbaruar ende, na duhet edhe një gol kundër Romës për finale" - Xhaka flet pas fitores së madhe