Presidenti i Bankës Qendrore Evropiane, Mario Draghi është shprehur se institucioni mund të bëjë edhe më shumë nëse është e nevojshme, për të nxitur rritjen ekonomike të Evropës, pasi vlerësohet se ka ende hapësirë për më tepër politika monetare.
Ai gjithashtu përsëriti thirrjen që qeveritë e Eurozonës të mbështesin këtë përpjekje me shpenzime të shtuara fiskale.
“Të gjitha instrumentet monetare në lojë, që nga normat e interesit apo blerjet e pasurive e deri tek udhëzimet përpara implementimit të masave janë gati të kalibrohen”, tha ai për Financial Times duke theksuar se Banka Qendrore Evropiane mbetet e vendosur në ndjekjen e objektivit të saj rreth qëndrueshmërisë së çmimeve.
Megjithëse në fund të mandatit të tij si kreu i institucionit më të rëndësishëm të politikave monetare në Evropë, Draghi vazhdon ende të mbajë një rol aktiv. Si guverantori i Bankës Qendrore, ai përsëriti gjithashtu mendimin e tij të mëhershëm se, më shumë shpenzime qeveritare nga vendet e Eurozonës do të ndihmonin shumë në përmbushjen e misionit të Bankës.
Draghi paralajmëroi se stimuli aktual “mund të duhet të zgjasë për një kohë më të gjatë nëse nuk ka mbështetje nga politika fiskale”.
Por komentet e tij shihen si pa vend, në shtete si Gjermania që tradicionalisht kanë refuzuar politikat për ç’balancimet e buxheteve të qeverisë, me qëllim stimulimin e ekonomisë. Takimi më i fundit, ku Banka Qendrore Evropiane njoftoi përsëri uljen e normave, shkaktoi revoltë tek zyrtarët e mërzitur me planin e Draghit për të riaktivizuar lehtësimin sasior. Shumë politikbërës nga Bankat Qendrore të vendeve si Gjermania, Franca dhe Holanda, kundërshtuan ashpër masën.
Nga ana tjetër, anëtarja gjermane e Bordit Ekzekutiv të Bankës, Sabine Lautenschlaeger u largua papritur javën e kaluar, më shumë se dy vjet para përfundimit të mandatit të saj, pa dhënë shumë shpjegime rreth arsyes, megjithëse ajo dallohej si një nga kundërshtaret e planit Draghi.
Ky i fundit indirekt fajësoi Bundesbank për marrëdhëniet e tij të tensionuara me publikun gjerman, në një kohë kur gazeta Bild e kishte portretizuar atë më herët, si një vampir që thithte kursimet e gjermanëve.
Në deklaratën për Financial Times, Draghi tregoi gjithashtu një numër rreziqesh me të cilat përballet rajoni, përfshirë rrezikun në rritje të një daljeje BREXIT pa marrëveshje tregtare me Unionin. Ai kërkoi një bashkim më të ngushtë fiskal për zonën e euros, duke thënë se pa këtë, zona e monedhës së përbashkët do të mbetet një “grupim i brishtë”.
“Ne kemi nevojë për një buxhet të përbashkët të zonës euro. Eshtë e qartë se debati politik për këtë ka ende shumë rrugë për të bërë, por unë jam optimist!”, u shpreh Draghi. /Telegrafi/
Promo
Reklamo këtuLufta Prigozhin - Putin
Më shumëNga Rubrika
Shefja e USAID: Vlerësimi i Kosovës nga FITCH tërheqë investime të huaja
Franca është magnet për investitorët e huaj – cilat reforma i bëri për t’i lënë pas Gjermaninë e Britaninë?
Policia me apel për qytetarët: Kujdes nga mashtrimi përmes investimeve të dyshuara online
Viva Fresh Store renditet si grupi i pestë më i madh i shitjeve me pakicë në Ballkanin Perëndimor!
Bëhu banor i kryeveprës së Prizrenit - Grand Residence
Qysh bohet kerri i vogël, kerr i ri!
Kurrë s’e ke pas ma lehtë se me Telegrafi Jobs me gjetë punë!
Klinika Amerikane “Dr. Behar Kusari” për herë të parë sjellë në rajon trajtimin pa dhimbje me Laser të Hemorroideve, Fistulave dhe Sinuseve Pilonidalis
Çfarë monedhe do të kishte Skocia e pavarur?
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Laporta shumë nervoz pas humbjes me Gironan – ai bërtiti vetëm me pesë fjalë, humbja mund t'i kushtojë miliona euro Barcelonës
Buleshkaj: Vitin e kaluar jemi njoftuar për një politikan që i ka pasë 5 milionë euro në një bankë në Zvicer
Erjolën e hedhin në mes të natës në pishinë, i ekspozohen pjesët intime
Vinicius ironizon me Araujon: Publikon trofetë e fituar nga gjenerata e re e Real Madridit
Tjetër fitore për Ukrainën: Rusia tërheq nga vijat e frontit dhjetëra aeroplanë luftarak
Këto janë vendet ku TikTok tashmë është i ndaluar – dhe nuk janë pak