Më të mirët e finales së Ligës së Evropës – formacioni i kombinuar i Arsenalit dhe Chelseat, mungojnë Xhaka dhe Higuain

Arsenali dhe Chelsea janë duke u bërë gati për betejën finalen të Ligës së Evropës që zhvillohet të mërkurën mbrëma në Baku.

Të dy ekipet e Ligës Premier kanë në skuadra emra të mëdhenj, por edhe mungesa për këtë përballje. Maurizio Sarri do të duhet të bëjë pa N’Golo Kanten, Antonio Rudigerin dhe Ruben Loftus-Cheek.

Në anën tjetër Unai Emery do të jetë pa Hector Bellerin dhe Aaron Ramsey në Azerbajxhan. Me këto mungesa, Sun Sport ka zgjedhur formacioni më të mirë të kombinuar.

Portier

Emery nuk dihet se për kë do të vendos në portë mes Bernd Leno dhe Petr Cech. Natyrisht, të mërkurën mund të jetë ndeshja e fundit e Cech. Megjithatë, Leno është në formë dhe me gjasë do të startojë.

Por ,për formacion, portieri më i mirë zgjidhet Kepa Arrizabalaga,  pasi është padyshim portieri më i mirë i të dy skuadrave.

Mbrojtja

Katër në vijën e fundit me Cesar Azpilicueta, David Luiz, Laurent Koscielny dhe Sead Kolasinac.

Në të djathtë, kapiten i Chelseat fiton vendin.  Në qendër David Luiz dhe Laurent Koscielny, pasi Rudiger nuk është i aftë të luajë.

Kolasinac është më i miri nga të grumbulluarit pasi Nacho Monreal, Marcos Alonso dhe Emerson të gjithë mund të mungojnë.

Mesfusha

Vjen me tre: Jorginho, Lucas Torreira, Matteo Guendouzi, ku vërehet mungesa e Granit Xhakës.

N’Golo Kante , Aaron Ramsey dhe Ruben Loftus-Cheek do të mungojnë.

Lexo po ashtu Të gjitha lajmet nga Liga e Evropës

Sulmi

Sulmi vjen me tre: Pierre-Emerick Aubameyang, Alexandre Lacazette, Eden Hazard.

Kjo ishte pjesa më e lehtë e zgjedhjes së formacionit. Hazard është emri më i madh i Chelseat, ndërsa sulmi i Arsenalit me Lacazette dhe Aubameyang ka qenë vrasës.

Olivier Giroud dhe Gonzalo Higuain nuk kanë vend. /Telegrafi/