Viti 2018 ka qenë mjaft interesant kur është fjala për filmat, sepse kemi pasur shumëllojshmëri të zhanreve, ndërkohë që protagonistë kanë qenë yjet e njohura, por edhe fytyra të reja.
Nga filmat komedi, aksion, horror, dramë, me superheronj e deri tek ata biografikë që kanë rezultuar shumë të pëlqyeshëm për shikuesit.
Duhet theksuar se që në vitin 2018 e kemi parë filmin me superheroin me ngjyrë që u shndërrua në hit, Lady Gagan që u bë yll i vërtetë filmi, si edhe portretizimin fantastik biografik të Freddie Mercuryt nga Rami Malek.
Më poshtë, Telegrafi jua sjell disa prej filmave nga zhanret e ndryshme, të cilët kanë marrë vlerësime të mira, si nga publiku, ashtu edhe nga kritikët:
Mission: Impossible – Fallout
“Mission: Impossible – Fallout” është film aksion me spiunë, me regji dhe skenar të Christopher McQuarrie që është njëherësh edhe producent.
Është vazhdimi i gjashtë i filmave “Mission: Impossible” dhe i dyti me regji të McQuarrie, pas “Rogue Nation”.
Tom Cruise, Ving Rhames, Simon Pegg, Rebecca Ferguson, Sean Harris, Michelle Monaghan dhe Alec Baldwin, të cilët i përsërisin rolet e tyre, derisa Henry Cavill, Vanessa Kirby dhe Angela Bassett, janë protagonistët e rinj.
A Quiet Place
“A Quiet Place” është një film horror post-apokaliptik me regji të John Krasinskit, i cili e ka shkruar edhe skenarin së bashku me Bryan Woods dhe Scott Beck.
Yjet kryesore të filmit janë John Krasinski, Emily Blunt, Millicent Simmonds dhe Noah Jupe.
Bohemian Rhapsody
“Bohemian Rhapsody” është film biografik për rok bendin legjendar britanik, “Queen”, i cili përcjell jetën e frontmenit Freddie Mercury.
Bryan Singer e ka bërë regjinë, Anthony McCarten e ka shkruar skenarin, ndërsa producentë janë Graham King dhe ish-menaxheri i “Queen”, Jim Beach.
Rolet kryesore i luajnë Rami Malek, Lucy Boynton, Gwilym Lee, Ben Hardy, Joe Mazzello, Aidan Gillen, Tom Hollander dhe Mike Myers. Anëtarët e “Queen”, Brian May dhe Roger Taylor, kanë shërbyer si këshilltarë kreativë dhe muzikorë në film.
To All The Boys I’ve Loved Before
“To All the Boys I’ve Loved Before” është një film romancë adoleshentësh me regji të Susan Johnson, në të cilin rolin kryesor e luajnë Lana Condor, Noah Centineo, Janel Parrish, Anna Cathcart, Madeleine Arthur, Emilija Baranac, Israel Broussard dhe John Corbett.
Filmi është i bazuar në romanin e Jenny Han nga viti 2014 me të njëjtin emër.
Avengers: Infinity War
“Avengers: Infinity War” është një film me superheronj, i bazuar në ekipin e superheronjve të Marvel Comics, Avengers, i realizuar nga Marvel Studios dhe i shpërndarë nga Walt Disney Studios Motion Pictures.
Është vazhdim i filmave “The Avengers (2012) dhe “Avengers: Age of Ultron” (2015), ndërsa është filmi i 19 me radhë nga Marvel Cinematic Universe (MCU).
Anthony dhe Joe Russo e kanë bërë regjinë me skenar të Christopher Markus dhe Stephen McFeely, ndërsa në rolet kryesore paraqiten Robert Downey Jr., Chris Hemsworth, Mark Ruffalo, Chris Evans, Scarlett Johansson, Benedict Cumberbatch, Don Cheadle, Tom Holland, Chadwick Boseman, Paul Bettany, Elizabeth Olsen, Anthony Mackie, Sebastian Stan, Danai Gurira, Letitia Wright, Dave Bautista, Zoe Saldana, Josh Brolin e Chris Pratt.
A Star Is Born
“A Star Is Born” është dramë romantike muzikore me regji të Bradley Cooper (në debutimin e tij si regjisor), në të cilën e luan edhe rolin kryesor dhe e ka shkruar skenarin së bashku me Eric Roth dhe Will Fetters.
Është ribërje e filmit nga viti 1937 me të njëjtin emër, ndërsa krahas tij luajnë edhe Lady Gaga, Andreë Dice Clay, Dave Chappelle dhe Sam Elliott.
Black Panther
“Black Panther” është një film me superhero, i bazuar në karakterin e Marvel Comics me të njëjtin emër. Ryan Coogler e ka bërë regjinë dhe e ka shkruar skenarin së bashku me Joe Robert Cole.
Chadwick Boseman luan rolin kryuesor (atë të T’Challa / Black Panther), krahas Michael B. Jordan, Lupita Nyong’o, Danai Gurira, Martin Freeman, Daniel Kaluuya, Letitia Wright, Winston Duke, Angela Bassett, Forest Whitaker dhe Andy Serkis.
BlacKkKlansman
“BlacKkKlansman” është komedi-dramë biografike me regji të Spike Lee dhe skenar të Charlie Wachtel, David Rabinowitz, Kevin Willmott dhe vet Lee. Është bazuar në memoaret Black Klansman (2014) të Ron Stallworth.
John David Washington, Adam Driver, Laura Harrier dhe Topher Grace, paraqiten në rolet kryesore. /Telegrafi/
Promo
Reklamo këtuLufta Prigozhin - Putin
Më shumëErjolën e hedhin në mes të natës në pishinë, i ekspozohen pjesët intime
Zbulohet finalisti i parë i Big Brother VIP Albania
Larg Meritonit me pushime në Itali, turisti e pyet a je e famshme? - Ilnisa Agolli jep përgjigjjen interesante
U përfol se u ndanë për të shpëtuar pasurinë, Bes Kallaku jep përgjigjjen përfundimtare
“Ka shitur veten, si mund ta godasësh një njeri që e ke xhan” - Romeo dhe Heidi të zhgënjyer nga Egla
Ndërsa ajo dhe Bardhi presin fëmijën e tyre të parë, Sara Gjordeni befason me veprimin e fundit
Investoni në të ardhmen tuaj – bli banesë në ‘Arbëri’ tani! ID-140
Shitet banesa në Fushë Kosovë në një vendodhje perfekte – 80.5m², çmimi 62,000Euro! ID-254
Ideale për zyre – në qendër të Prishtinës lëshohet banesa me qira ID-253
Bli shtëpinë e ëndrrave tuaja në Prishtinë – ZBRITJE në çmim, kapni mundësinë tani! ID-123
Krijo hapësirën tënde të biznesit – zyre me qira te 4 Llulat – 300€/muaj ID-252
Më të lexuarat
Laporta shumë nervoz pas humbjes me Gironan – ai bërtiti vetëm me pesë fjalë, humbja mund t'i kushtojë miliona euro Barcelonës
Buleshkaj: Vitin e kaluar jemi njoftuar për një politikan që i ka pasë 5 milionë euro në një bankë në Zvicer
Erjolën e hedhin në mes të natës në pishinë, i ekspozohen pjesët intime
Vinicius ironizon me Araujon: Publikon trofetë e fituar nga gjenerata e re e Real Madridit
Tjetër fitore për Ukrainën: Rusia tërheq nga vijat e frontit dhjetëra aeroplanë luftarak
Këto janë vendet ku TikTok tashmë është i ndaluar – dhe nuk janë pak