20 vite me magjinë e Iniestas, fitorja e kualitetit mbi kuantitetin (Video)

Është shumë e vështirë të besohet, por sot 20 vite më parë një djalosh me emrin Andres Iniestas, i kishte trokitur në derë Barcelonës për ta filluar udhëtimin e tij me La Masian e famshme.

Sipas shumë fansave ai nën karrierën e tij ka mundur të shënojë më shumë gola, por misioni i tij ishte krejt tjetër.

Ai është një lojtar që më shumë e vë në pah elegancën dhe kreativitetin, se sa instinktin vrastarë. Por askush nuk është perfekt.

Të martë në Ligën e Kampionëve kundër Celtic pamë një gol të jashtëzakonshëm të Iniestas.

Lexo po ashtu Iniesta kalon Puyolin, ia mësyn Xavit (Foto)

Një goditje volej pas një asistimi të Neymar, duke na kujtuar golat e tij ikonik si ai në Stamford Bridge në vitin 2009 dhe një vit më pas në finalen e Kupës së Botës.

Ai ka zhvilluar 13 sezone me Barcelonën (ky i 14 që është duke e zhvilluar) dhe ka mbi 50 ndeshje duke shënuar vetëm 50 gola, që i bie pak më shumë se tri gola për sezon, shkruan Marca.

Lexo po ashtu Pesë futbollistë të mëdhenj që ndoqën hapat e idhujve të tyre të fëmijërisë (Foto)

Në krahasim me lojtarët e tjerë si Ivan Rakitic që ka shënuar 17 gola në dy vite, apo edhe Cesc Fabregas që ka qëlluar cakun 42 herë në tri vite, ai nuk ka shënuar shumë, por askush si ai nuk e ka dominuar mesfushën në La Liga prej kohës kur Zinedine Zidane luante në ato anë, transmeton Telegrafi.

Me një fjalë Iniesta është triumf i kualitetit mbi kuantitetin.

Ne shpresojmë të shohim sa më shumë gola të këtij lojtari, por edhe ato që ka shënuar tashmë janë një vitrinë e pasur për të gjithë ata që i shijojnë, pasi misioni i tij është magjia dhe ai e ka bërë këtë si askush tjetër. /Telegrafi/

Goli i parë me La Rojan kundër Anglisë

Perla kundër Sevillas

‘Inestazo’ në Stamford Bridges

Goli që i bëri Spanjën kampion bote

https://www.youtube.com/watch?v=QwADqit3dBE

Brilante ndaj Racing Santander

https://www.youtube.com/watch?v=pQVOKn7Be_Q

Goli i madh në ndeshje të vogël

Goli kundër Levantes

Fluturimthi me Deportivo Alavesin

Qetësi në Santiago Bernabeu

https://www.youtube.com/watch?v=ohW7TlFKdcA

Klasi mbetet i përhershëm

https://www.youtube.com/watch?v=wJQNgOjsheY