Zyrtare: Valon Berisha transferohet te Melbourn City

Melbourn City ka njoftuar se ka transferuar Valon Berishën në formë huazimi nga Reimsi.

Në njoftimin e tyre, bëhet e ditur se reprezentuesi i Kosovës është duke e pritur vizën nga shteti australian që të finalizohet e gjithë marrëveshja.

“Kemi kënaqësinë të njoftojmë se reprezentuesin kosovar Valon Berisha do t’i bashkohet Cityt në formë huazimi nga klubi i Ligue 1 Stade de Reims për sezonin 2022/23 të Ligës A për meshkuj, me kusht që të miratohet viza”, thuhet fillimisht në deklaratën e tyre.

“Mesfushori 29-vjeçar sjell me vete një përvojë të pasur, pasi ka kaluar dy sezonet e fundit në Reims në ligën më të lartë të Francës, pas qëndrimeve në Bundesligën e Gjermanisë me Fortuna Dusseldorf dhe Serinë A të Italisë me Lazio”.

“Berisha erdhi në formacionin e të rinjve të Norvegjisë nga U15-at dhe u përball 20 herë në nivel të lartë pasi bëri debutimin e tij ndërkombëtar në 2012”.

“Në vitin 2016, mesfushori e kaloi besnikërinë e tij ndërkombëtare në vendin e prindërve të tij, Kosovën, ku që atëherë ka luajtur 35 ndeshje”, thuhet më tej në komunikatën e Melbournit. /Telegrafi/

🇽🇰 We're delighted to confirm that Kosovan international Valon Berisha will join City on loan for the upcoming @aleaguemen season!

𝙅𝙤𝙞𝙣 𝙝𝙞𝙢 𝙖𝙣𝙙 𝙨𝙞𝙜𝙣 𝙤𝙣 ✍️ https://t.co/XRvx6Cyk2H

— Melbourne City FC (@MelbourneCity) September 7, 2022