Zyrtare: Ghoulam këput ligamentet, mungon së paku katër muaj

Skuadra italiane, Napoli ka konfirmuar zyrtarisht se mbrojtësi Faouzi Ghoulam ka pësuar një këputje totale të ligamentit të tij të kryqëzuar.

Mbrojtësi i majtë u dëmtua gjatë humbjes së mbrëmshme (e mërkurë) ndaj Manchester Cityt, kur algjeriani shihej në siklet të dukshëm ndërsa fërkonte gjurin e tij.

Menjëherë u frikësua se ai kishte pësuar një dëmtim të ACL-së, diçka që konfirmohet këtë mëngjes nga skuadra napolitane.

Lexo po ashtu City vazhdon në fazën tjetër duke e nënshtruar Napolin (Video)

“Këtë mëngjes Faouzi Ghoulam vizitoi profesorin [Pierpaolo] Marianin [një specialist i përmendur në gjunjë] në Villa Stuart”, konfirmohet fillimisht në një deklaratë në faqen e internetit të Napolit.

“Mbrojtësi Azzurr iu nënshtrua ekzaminimeve klinike të cilat zbulojnë një këputje totale të ligamentit të tij të djathtë të kryqëzuar”.

“Ghoulam do të operohet në mëngjesin e së premtes”, përfundon njoftimi i klubit italian.

Lexo po ashtu Guardiola i impresionuar nga Ghoulam, e dëshiron në janar

Një dëmtim i ligamentit të kryqëzuar zakonisht kërkon të paktën katër muaj për tu shënuar.

Ndryshe, ndeshja e së mërkurës në kuadër të Ligës së Kampionëve përfundoi me fitoren e Cityt me rezultat 4-2. /Telegrafi/