Zyrtare: Malisheva me goditje të dyfishtë – u bashkohen Gërbeshi e Ibrahimi

Malisheva ka njoftuar se ka bërë goditje të dyfishtë, duke transferuar Fidan Gërbeshin dhe Labinot Ibrahimin, si përforcimet e tyre më të reja për afatin e janarit.

Klubi nga Superliga e Kosovës përmes një postimi në faqen e tyre zyrtare në Facebook, fillimisht konfirmoi transferimin e Ibrahimit që në të kaluarën ka luajtur për Prishtinën pastaj ka luajtur për Partizanin e Tiranës, është rikthyer përsëri në Prishtina. Sezonin e fundit luajti në Arbëria.

Më pas bëri të ditur se edhe Gërbeshi që ka luajtur për Ulpianën, Dritën, Feronikelin dhe Arbërinë së fundmi, do të jetë pjesë e tyre.

Më poshtë mund të lexoni njoftimin e plotë (pa ndërhyrje) të Malishevës:

Lexo po ashtu Malisheva vjen me goditje të katërfishtë – Maliqi, Shabani, Gërbeshi dhe Ibrahimi vendosen nën urdhrat e Arsim Thaqit

Konfirmojmë transferrin e ri të lojtarit Fidan Gërbeshi.

Marrëveshja me Fidanin për sezonin 2021/2022, i shton kualitetin klubit tonë dhe e bën FC Malishevën një konkurrent serioz në Superligë. Kryesisht luan si qendër mbrojtës. Një qendër mbrojtës i kompletuar, i qëndrueshëm dhe punëtor.

Karrierën e tij si futbollist e filloi me Ka filluar me FC Ulpianën, pastaj luajti për FC Dritën, Feronikelin dhe së fundmi në FC Arbëria. Fidani ka patur një karrierë të bujshme dhe një përvojë mbresëlënëse si në futbollin Kosovar po ashtu edhe evropian.

Superliga e Kosovës: 132 ndeshje

Kupa e Kosovës: 8 ndeshje

Europa League: 3 ndeshje

Superkupa e Kosovës: 3 ndeshje

UEFA Champions League: 2 ndeshje

Të lumtur që Fidani është tashmë pjesë e klubit tonë, ne i dëshirojmë mirëseardhje dhe i urojmë fat të mirë dhe suksese, si me klubin po ashtu edhe në sferën personale.

Klubi konfirmon se ka arritë marrëveshje me lojtarin Labinot Ibrahimi.
Labi është një lojtar mjaft i gjithanshëm. Kryesisht luan si qendër mbrojtës, e po ashtu luan edhe si mbojtës krahu. Shquhet për aftësitë e shkëlqyeshme në krosime, hap dhe energji. Për shkak të gjatësisë, pozicionimit dhe karakteristikave të tij fizike, Labi gjithashtu është shumë efektiv në ajër.
Ka patur një karrierë mjaft të bujshme në futbollin Kosovar dhe atë të Shqipërisë. Një përvojë e jashtëzakonshme edhe ne futbollin evropian, në Ligën e Kampionëve dhe Europa Ligë. Ka filluar me FC Prishtinën pastaj ka luajtur për Partizanin e Tiranës, është rikthyer përsëri në FC Prishtina. Sezonin e fundit luajti në FC Arbëria.
Karriera e tij e deritashme është impresive
Kategoria Superiore (Liga e Shqipërisë): 153 ndeshje
Superliga e Kosovës: 46 ndeshje
Kupa e Shqipërisë: 25 ndeshje
Europa League: 9 ndeshje
UEFA Champions League: 6 ndeshje
Kupa e Kosovës: 6 ndeshje
Marrëveshja e arritur me Labin për sezonin 2021-2022, për FC Malishevën është më se e mirëseardhur dhe një shtytje për klubin tonë në sfidat që na presin.
Ne, në FC Malisheva i deshirojmë mirëseardhje Labit në klubin tonë dhe i deshirojmë shumë fat në jetë dhe karrierë. /Telegrafi/