Zyrtare: Chapecoense fitues i ‘Copa Sudamericana’, përfitojnë edhe financiarisht

Skuadra braziliane, Chapecoense është shpallur fitues i Kupës së Amerikës Jugore.

Chapecoense arriti të kualifikohet në finalen e Kupës së Amerikës Jugore, por shkuarja në Kolumbi për t’u ndeshur me Atletico Nacional ishte tragjike, duke iu rrëzuar aeroplani, ku humbën jetën e thuajse e gjithë skuadra dhe stafi, përveç tre futbollistëve të shpëtuar.

Kjo tragjedi preku të gjithë sportdashësit, të cilët u solidarizuan me ta në shumë mënyra, për t’ia zvogëluar dhimbjen familjarëve dhe tifozëve të skuadrës braziliane.

Lexo po ashtu Legjendarët kthehen në Brazil: Skena emocionuese teksa 100 mijë tifozë të Chapecoense u japin lamtumirën e fundit ‘kampionëve të përjetshëm’ (Foto/Video)

Skuadra tjetër finaliste, Atletico Nacional, me të cilët ka pasur të ndeshet Chapecoense ka vendosur që tua jap titullin e ‘Copa Sudamericana’ në shenj mirënjohje dhe nderimi për këtë skuadër, shkruan Telegrafi.

Pas kësaj, Presidenti i përkohshëm i Chapecoenses, Ivan Tozzo, ka konfirmuar se do të shpallen kampion të Copa Sudamericana dhe do të pranojnë çmimin prej 2 milionë dollarëve.

Lexo po ashtu Zbulohen fotot e arkivoleve me trupat e pajetë të futbollistëve të Chapocoenses (Foto)

“CONMEBOL kanë dëshmuar se do të kurorëzojnë Chapecoense si kampionët e Copa Sudamericana”, ka thënë Tozzo për Globo, përcjell Telegrafi.

“Përveç kësaj, klubi do të marrë çmimin prej dy milionë dollarësh. Çdo gjë është konfirmuar. Unë nuk e di nëse do të ketë një ceremoni për të marrë kupën”, përfundoi Presidenti i Chapecoenses. /Telegrafi/