Bujar Idrizi është lojtari më i ri i Llapit pas një aventure një vit te Kukësi.
Idrizi i rikthehet Llapit për herë të tretë pasi ishte pjesë e klubit gjatë stinoreve 2013/14 & 2016/17.
Bujar Idrizi tani 26 vjeç dhe i lindur në Podujevë, luan mbrojtës i krahut dhe qendërmbrojtës.
Si futbollist e ka nisur karrierën tek Hysi ku i kaloj kategoritë e reja dhe u bë pjesë e ekipit të parë dhe pas shuarjes së Hysit iu bashkua Llapit për 6 muaj.
Më pas luajti për një edicion për skuadrat e Trepçës dhe Trepçës'89.
Ai iu rikthye Llapit gjatë edicionit 2016/17, ku kaloj një stinor fantastik që u ra në sy drejtuesve të Kukësit, ku nënshkroi për 1 vit.
“Pasi nuk arriti akordin me Kukësin, Bujari e pa të arsyeshme t'i rikthehet edhe një herë vendlindjes dhe klubit të zemrës LLAPIT drejt arritjes së synimeve të këtij edicioni së bashku me lojtarët tjerë”, shkruhet në faqen e klubit llapjanas.
Llapi ka bërë disa afrime mjaftë cilore dhe do ta tentojë titullin. /Telegrafi/
