Zvicra, Kazakistani dhe Armenia bashkohen kundër ndalimit të reklamave të kriptovalutave

Organizatat e Kriptovalutave dhe Blockchainit në Zvicër, Kazakistan dhe Armeni janë bashkuar kohët e fundit me ata të Rusisë, Kinës dhe Koresë së Jugut në paraqitjen e një padie të përbashkët kundër kompanive të internetit për ndalimin e reklamave të lidhura me kriptovalutat.

Planet për të paraqitur padinë e përbashkët kundër gjigantëve të teknologjisë Google, Twitter dhe Facebook u zbuluan së pari më 27 mars. Organizatat që fillimisht parashtruan ankesën përfshijnë Shoqatën Ruse të Kriptovalutave dhe Blockchain (RACIB), Shoqëritë e Biznesit të Koresë së Jugut dhe LCBT, një shoqatë kineze e investitorëve të kriptovalutave.

Sipas Yury Pripachkin, presidentit të RACIB, përcjell Telegrafi, anëtarët e rinj të padisë së përbashkët përfshijnë shoqata të tilla si firmë zvicerane InnMind FinTech, Shoqata Armene e Blockchainit dhe Blockchain Kazakistan.

Lexo po ashtu Facebook ndalon të gjitha reklamat për kriptovalutat

Më 30 janar, Facebook i ndaloi reklamuesit në lidhje me kriptovalutat dhe Ofertat Fillestare të Monedhave (ICO), duke cituar ‘praktikat mashtruese’.

Lexo po ashtu Google do të ndalojë reklamat për kriptovaluta

Në mars, Google ndoqi masën duke e njoftuar se do të fillojë bllokimin e reklamave të të gjitha llojeve në qershor 2018.

Lexo po ashtu Twitter do të ndalojë reklamat e kriptovalutave

Në fund të marsit, Twitter konfirmoi se gjithashtu do të ndalojë reklama të lidhura me kriptovalutat, të tilla si ICO, shkëmbimet e kriptovalutave dhe shërbimet e portofolit, përveç nëse ato janë kompani publike. /Telegrafi/