Zlatan Ibrahimovic nuk do të marrë medalje nëse Milani fiton Ligën e Kampionëve

Nëse ndodh që Milani të fitojë trofeun e destinuar për fituesin e Ligës së Kampionëve këtë sezon, Zlatan Ibrahimovic nuk do të marrë medalje për arsyen e thjeshtë, pasi kuqezinjtë nuk e kanë regjistruar në këtë garë në fillim të sezonit.

Është vërtet e vështirë të numërosh të gjithë trofetë që Zlatan i fitoi në karrierën e tij të pasur.

Pesë tituj kampioni në Itali, katër tituj kampion në Francë, një titull në La Liga, Kupa e Ligës dhe Superkupa e Anglisë, një kampionat holandez janë vetëm disa prej tyre.

Megjithatë, Ibrahimovicit i mungon ndoshta më i vlefshmi nga të gjithë, që është trofeu i Ligës së Kampionëve.

Nëse kuqezinjtë kalojnë rivalin e tyre të qytetit Interin në gjysmëfinale dhe më pas mposhtin fituesin e duelit Manchester City-Real Madrid në finale, ata do të fitojnë titullin e tetë të kampionit të Kontinentit të Vjetër, por jo për Zlatanin.

Lexo po ashtu Zlatan Ibrahimovic i ka urryer katër lojtarë gjatë karrierës së tij, njëri prej tyre ishte te PSG

Përkatësisht, para fillimit të sezonit, Milani nuk e regjistroi atë në garën më elitare të futbollit në Evropë dhe as në fazën eliminatore për shkak të lëndimit dhe kjo është arsyeja e vetme që nuk do të marrë medalje, sigurisht, me kusht që Milani ta marrë këtë trofe.

Këtë vit garues ai luajti vetëm katër ndeshje në të cilat shënoi vetëm një gol dhe duket se është gjithnjë e më e sigurt se karrierës së tij dalëngadalë po i vjen fundi./Telegrafi/