Zidane: Duam ta fitojmë Ligën e Kampionëve, është trofeu më i mirë  

Trajneri i Real Madridit, Zinedine Zidane ka folur rreth finales së Ligës së Kampionëve, për të cilën ka thënë se duan ta fitojnë.

Real Madridi do të ndeshet me Liverpoolin në finalen e madhe të Ligës së Kampionëve, e cila zhvillohet më 26 maj në Kiev.

Para ndeshjes së fundit të sezonit kundër Celta Vigos, trajneri i Real Madridit, pranoi se La Liga ishte turneu më i vështirë për të fituar, por që Liga e Kampionëve ishte ende titulli më i mirë.

Lexo po ashtu Zidane: Më vështirë ta fitosh La Ligan sesa Ligën e Kampionëve

Francezi tashmë po shikon përpara në Kiev dhe për të fituar titullin e tretë radhazi evropian, diçka që nuk është bërë që nga mesi i viteve 1970.

Zidane në konferencë për shtyp ka thënë se duan ta mbrojnë titullin e Ligës së Kampionëve, pasi është trofeu më i mirë.

“Ne jemi në finale të Ligës së Kampionëve dhe ne duam të mbrojmë titullin tonë”, u ka thënë fillimisht Zidane gazetarëve në konferencën e tij për shtyp para ndeshjes.

Lexo po ashtu Do të udhëtoni ta shikoni ndeshjen Real Madrid-Liverpool - Dhjetë gjërat që duhet t’i dini për qytetin e Kievit ku zhvillohet finalja e Ligës së Kampionëve

“Liga e Kampioneve është ajo që gjithkush dëshiron të fitojë”.

“Po, ditëve të kaluara kam thënë se La Liga është konkurrencë më e vështirë, por në fund Liga e Kampionëve është më e mira”, përfundoi francezi. /Telegrafi/  

Lexo po ashtu UEFA zbulon aksidentalisht fituesin e Ligës së Kampionëve