Zhernovski: E dëgjova Gjorçevin, nuk më besohet se çfarë tha! (Foto)

Kryetari i ‘Qendrës’ Andrej Zhernovski ka dalë me qëndrimin e tij në lidhje me konferencën për shtyp të Vllatko Gjorçevit nga OBRM-PDUKM, përcjell Telegrafi Maqedoni.

Lexo po ashtu Gjorçev: Zaevi kërcënoi 453 mijë qytetarë të Maqedonisë (Video)

Gjorçev tha se populli do të rebelohet në qoftë se rivotohet dhe në qoftë se dikush përpiqet të vjedh ata fitore. Zhernovski kujtoi tri raundet e votimit për kryetar të komunës Qendër.

Ja se çfarë ka shkruajtur Zhernovski:

‘E dëgjova Gjorçevin, nuk më besohet se çfarë fliste…

Kujdes, ai thotë se njerëzit do të rebelohen në qoftë se rivotohet dhe në qoftë se dikush përpiqet ta vjedh ata fitore.

Më besoni, nuk ka fjalë me të cilët mund të ndalet politika çoroditëse politike me të cilën udhëhiqet OBRM-PDUKM. Njerëzit të cilët për tre raundet keqtrajtuan qytetarët e Qendrës. Njerëzit të cilët shkelën të gjitha ligjet dhe shkelën të gjitha nenet e Kodit Penal, vetëm për të fituar në Qendër. Ata që porositën shuplaka. Po, të njëjtët njerëz nga Gjykata Administrative bënë organizimin e saj komunal, vetëm për të përmbysur zgjedhjet e rregullta. Të njëjtit njerëz që mbanin votuesit nga një vend në tjetrin! Nga një shtet tjetër, nga Pusteci, Shqipëria, për të votuar në Qendër!

E pra, pikërisht këta njerëz thonë se “qytetarët do të jenë të zemëruar në qoftë se rivotohet”. E pra njerëzit e Qendrës u tërbuan edhe atëherë edhe tani. Por rivotuan, jo një herë, por tri herë, dhe çdo herë, me çdo raund të ri, gjithnjë e më tepër humbi OBRM-PDUKM.

Njerëzit nga Qendra për shkak të atij zemërimi, tani votuan masivisht kundër regjimit të Gruevskit dhe besoj se shumë vite do të jetë kështu. Kështu që unë dua ta porosis diçka zëdhënësin.

Vllatko, nëse njerëzit janë të zemëruar, ata do të shkojnë përsëri do të dalin në votim dhe ende më fuqishëm do t’iu mbështesin, ashtu siç vepruan në Qendër. Nëse ju jeni të zemëruar se dikush dëshiron t’ua marr fitoren, do të dalin masovikisht dhe do të mbrojnë të drejtat e tyre. Pse, Vllatko, nuk e lejoni që të ndodhë ajo?

Ne e dimë të dy përgjigjen, apo jo?’, ka shkruar Zhernovski. /Telegrafi/