LAJMI I FUNDIT:

Zeshkane bregdeti: Nuanca kafe e artë do të dominojë gjatë pranverës për shkak të shkëlqimit të saj

Zeshkane bregdeti: Nuanca kafe e artë do të dominojë gjatë pranverës për shkak të shkëlqimit të saj

Kjo nuancë e pasur dhe e ngrohtë kafe duket sikur sapo jeni kthyer nga deti dhe e bartin yjet nga Jennifer Lopez deri te Hailey Bieber

Gigi u bë një bionde platini, Kendall dhe Kaia i ngjyen flokët e errët në nuanca bakri dhe duket se rrezet e diellit pranveror na ftojnë të eksperimentojmë me ndryshime dramatike në ngjyrën e flokëve.

Megjithatë, nëse nuk jeni gati për një transformim të plotë të imazhit, ka nuanca që mund të rifreskoni vetëm pamjen dhe ndër ngjyrat më të njohura për momentin është bregdeti ose zeshkane plazhi, transmeton Telegrafi.

Ashtu siç tregon edhe emri, të jep përshtypjen se sapo jeni kthyer nga pushimet në një plazh ekzotik, , ku flokët tuaj shkëlqejnë nga dielli dhe kripa (por pa dëmtim, sigurisht).

Një shembull i mirë i këtij stili janë ish biondet, Hailey Bieber dhe Lily James, të cilat i kanë errësuar flokët me ngjyrë kafe, me një shkëlqim të artë. Gjithashtu do t’u përshtatet zeshkaneve natyrale, flokët e të cilave duan të japin pak dimension dhe shkëlqim.

Duket edhe më e natyrshme se balayage, sepse tranzicionet janë më delikate dhe fillesat më të lehta duket se shkëlqejnë në diell.

Teknikat ombre dhe balayage përdoren për të lyer flokët në këtë stil, kështu që flokët janë më të errët në rrënjë dhe më të hapur drejt majave, duke fituar thellësi dhe teksturë.

Kur bëhet fjalë për stilimin, efekti më i mirë i ngjyrës do të jetë i dukshëm në flokët me onde, kështu që ato me flokë natyralisht kaçurrela kanë nevojë për një minimum stilimi, ndërsa të tjerat, me të drejtë mund të përdorin një nga teknikat e kaçurrelave pa nxehtësi. /Telegrafi/