Zërat drithërues që i dëgjonin gjatë natës, vinin nga alarmi i kopshtit të fëmijëve që ishte dëmtuar nga merimangat (Video)

Familjarët që shqetësoheshin për çdo natë, nga zëri drithërues i një fëmije që këndonte, zbuluan se vinte nga një kopsht fëmijësh. Pasi merimangat, kishin dëmtuar sistemin e alarmit.

Alice Connington dhe dy fëmijët e saj që jetojnë në Ipswich të Anglisë, e kishin vështirë të flinin, shkaku i zërit që dëgjohej gjatë natës, transmeton Telegrafi.

“Ishte e tmerrshme, sepse fillonte pas mesnatës. Ishte sporadike, nganjëherë dëgjohej vetëm njëherë, por herëve të tjera edhe vazhdimisht”, i ka thënë mediave Connington.

Kur e pas se situata është e padurueshme, 34-vjeçarja e raportoi rastin në polici. Zyrtarët policorë që bënë roje gjatë natës, me të dëgjuar zërin u nisën në atë drejtim dhe gjetën burimin prej nga po vjen.

“Është pothuajse e pabesueshme, që e tëra është shkaktuar prej merimangave. Dëmtimi ka bërë që sistemi i alarmit, të lidhet me bazën e kopshtit dhe të aktivizohet ky tingull”, thuhet në raportin policor.

Pronares që jeton në afërsi të kopshtit, i është kërkuar falje për shqetësimin, duke pranuar se megjithëse është këngë fëmijësh, është e frikshme gjatë natës. /Telegrafi/